Metronidazol Normon

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Metronidazol Normon

Opna mína lyfseðla
Sýkingalyf

Lyfseðilsskylt

Verðflokkur 0: Lyfið er ekki niðurgreitt og fellur ekki inn í greiðsluþrepakerfiðVirkt innihaldsefni: MetrónídazólSkráð 7. júní 2018

Metrónídazól er sýkladrepandi lyf. Það verkar á margar tegundir baktería og sníkjudýra sem geta valdið sýkingum í kynfærum, meltingarvegi, loftvegum, munni og beinum. Ólíkt mörgum sýklalyfjum berst metrónídazól í miðtaugakerfið og gagnast því við bakteríusýkingum þar. Það er líka notað útvortis við sýkingum í húð, og í sumum tilfellum til að fyrirbyggja sýkingar vegna aðgerða. Lyfið þolist almennt vel, aukaverkanir þess eru mjög sjaldan það alvarlegar að hætta þurfi meðferð með lyfinu. Metronidazol Normon er notað handa fullorðnum og börnum til að fyrirbyggja sýkingar eftir skurðaðgerðir og til að meðhöndla alvarlegar sýkingar af völdum baktería sem að metrónídazól getur drepið.

Notkun á lyfjum

LyfjaformInnrennslislyf í æð.
Venjulegar skammtastærðirLyfið er gefið af heilbrigðisstarfsfólki og skammtar eru háðir: aldri, þyngd, ástandi sjúklings og sýkingu.
Hversu langur tími uns verkun kemur framMisjafnt eftir því hvar sýkingin er, hvaða lyfjaform er notað og hversu næmir sýklarnir eru fyrir lyfinu.
Verkunartími6-12 klst.
Þörf á að breyta mataræði meðan lyfið er tekiðEngin.
GeymslaGeymist í lokuðum umbúðum við stofuhita þar sem börn hvorki ná til né sjá.
Ef skammtur gleymistÁ ekki við.
Hvernig á að hætta töku lyfsinsNotaðu lyfið eins lengi og læknir segir fyrir um. Hætti lyfjanotkun of snemma aukast líkur á því að sýkingin nái sér aftur á strik.
Ef tekinn er of stór skammturEf of stór skammtur af lyfinu hefur verið notaður, eða ef barn hefur í ógáti tekið inn lyfið skal hafa samband við lækni, sjúkrahús eða eitrunarmiðstöð (sími 543 2222). Einkenni ofskömmtunar geta verið ógleði, uppköst, léleg samhæfing eða væg vanáttun.
LangtímanotkunMetrónídazól er sjaldnast notað lengur en í 10 daga í senn.

Aukaverkanir

Aukaverkanir lyfsins eru oftast tíðari eftir því sem skammtar eru stærri.

Algengar aukaverkanir (>1%):
  • Sveppasýking
    Leitið til læknis
Sjaldgæfar aukaverkanir (<1%):
  • Alvarlegur niðurgangur
    Leitið strax til læknis
  • Brisbólga: Hiti og kviðverkir
    Leitið strax til læknis
  • Gula
    Leitið strax til læknis
  • Útbrot, kláði, bjúgur og öndunarerfiðleikar
    Leitið strax til læknis

Milliverkanir

Forðast á áfenga drykki og lyf sem innihalda alkóhól.

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • grunur leiki á um þungun
  • þú sért með blóðsjúkdóm
  • þú sért með langvarandi lifrar- eða nýrnasjúkdóm
  • þú sért með ofnæmi fyrir virka efninu eða einhverju hjálparefnanna
  • þú takir einhver önnur lyf
  • þú sért með taugasjúkdóm
MeðgangaTakmörkuð reynsla er af notkun lyfsins hjá þunguðum konum. Forðast skal notkun þess á meðgöngu.
BrjóstagjöfLyfið berst í brjóstamjólk en í venjulegum skömmtum er ólíklegt að það hafi áhrif á barnið. Forðast skal notkun þess með barn á brjósti og í 2-3 daga eftir að meðferð með lyfinu lýkur.
BörnMinni skammtar eru notaðir hjá yngri en 12 ára og eru þeir reiknaðir út frá líkamsþyngd.
Eldra fólkLæknir gæti breytt skammtastærðum eftir þörfum.
AksturLyfið gæti haft áhrif á aksturshæfni, hver og einn þarf að meta getu sína til aksturs.
ÁfengiEkki neyta áfengis meðan lyfið er tekið. Metrónídazól hindrar niðurbrot efna sem myndast úr áfengi og það getur valdið miklum óþægindum. Láttu a.m.k. 3 daga líða frá því að meðferð lýkur og þangað til áfengis er neytt.
ÍþróttirLeyft við æfingar og í keppni.
AnnaðMeðferð við virkum sýkingum stendur yfirleitt í 7 til 10 daga.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.