Flagyl

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Flagyl

Opna mína lyfseðla
Lyf gegn frumdýrum

Lyfseðilsskylt

Verðflokkur G/0: Lyfið er niðurgreitt og fellur inn í greiðsluþrepakerfiðVirkt innihaldsefni: MetrónídazólSkráð 1. desember 1972

Metrónídazól er sýkladrepandi lyf. Það verkar á margar tegundir baktería og sníkjudýra sem geta valdið sýkingum í kynfærum, meltingarvegi, loftvegum, munni og beinum. Ólíkt mörgum sýklalyfjum berst metrónídazól í miðtaugakerfið og gagnast því við bakteríusýkingum þar. Það er líka notað útvortis við sýkingum í húð, og í sumum tilfellum að fyrirbyggja sýkingar vegna aðgerða. Lyfið er einnig notað við Crohns sjúkdómi. Flagyl þolist almennt vel, aukaverkanir þess verða mjög sjaldan það alvarlegar að hætta þurfi meðferð með því.

Tafla 400 mg Tafla

Notkun á lyfjum

LyfjaformTöflur til inntöku, legstílar og innrennslislyf í æð.
Venjulegar skammtastærðirSkammtar eru háðir gerð sýkingar. Legstílar: 500 mg á dag í 6 daga. Töflur: 400-2400 mg á dag. Börn: 15-50 mg á hvert kg líkamsþyngdar á sólarhring. Töflurnar takist með vatnsglasi. Má ekki mylja þær. Innrennslislyfið er eingöngu notað á sjúkrahúsum.
Hversu langur tími uns verkun kemur framMisjafnt eftir því hvar sýkingin er, hvaða lyfjaform er notað og hversu næmir sýklarnir eru fyrir lyfinu.
Verkunartími6-12 klst.
Þörf á að breyta mataræði meðan lyfið er tekiðEngin.
GeymslaGeymist í lokuðum umbúðum við stofuhita þar sem börn hvorki ná til né sjá.
Ef skammtur gleymistNotaðu lyfið um leið og þú manst eftir því. Ef stutt er til næsta skammts skaltu sleppa þeim sem gleymdist og halda áfram að nota lyfið eins og venjulega. Ekki nota tvo skammta í einu.
Hvernig á að hætta töku lyfsinsNotaðu lyfið eins lengi og læknir segir fyrir um. Hætti lyfjanotkun of snemma aukast líkur á því að sýkingin nái sér aftur á strik.
Ef tekinn er of stór skammturStakir skammtar sem eru litlu stærri en venjulega ættu ekki að skapa vanda. Ef stórir skammtar eru notaðir eða ef vart verður við einhver óvenjuleg einkenni, t.d. náladofa eða uppköst, skal hafa samband við lækni.
LangtímanotkunMetrónídazól er sjaldnast notað lengur en 10 daga í senn.

Aukaverkanir

Aukaverkanir lyfsins eru oftast tíðari eftir því sem skammtar eru stærri. Algengustu aukaverkanirnar eru óþægindi frá meltingarvegi.

Algengar aukaverkanir (>1%):
  • Breytingar á bragðskyni, skán á tungu
    Leitið til læknis
  • Höfuðverkur
    Leitið til læknis
  • Kviðverkir, niðurgangur
    Leitið til læknis
  • Ógleði og uppköst
    Leitið til læknis
Sjaldgæfar aukaverkanir (<1%):
  • Gula
    Leitið til læknis
  • Skapgerðarbreytingar
    Leitið til læknis
  • Hiti, slappleiki, lystarleysi og marblettir
    Leitið strax til læknis
  • Náladofi eða slappleiki í útlimum
    Leitið strax til læknis
  • Útbrot, kláði, bjúgur og öndunarerfiðleikar
    Leitið strax til læknis

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • grunur leiki á um þungun
  • þú sért með langvarandi lifrar- eða nýrnasjúkdóm
  • þú sért með ofnæmi fyrir virka efninu eða einhverju hjálparefnanna
  • þú hafir fengið krampa eða sért með flogaveiki
  • þú takir einhver önnur lyf
  • þú sért með taugasjúkdóm
MeðgangaTakmörkuð reynsla er af notkun lyfsins hjá þunguðum konum.
BrjóstagjöfLyfið berst í brjóstamjólk en í venjulegum skömmtum er ólíklegt að það hafi áhrif á barnið.
BörnMinni skammtar eru notaðir. Aðeins sum lyfjaformin eru ætluð börnum.
Eldra fólkVenjulegar skammtastærðir.
AksturLyfið getur valdið svima. Ekki aka bíl fyrr en reynsla er komin á það hvaða áhrif lyfið hefur.
ÁfengiEkki neyta áfengis meðan lyfið er tekið. Metrónídazól hindrar niðurbrot efna sem myndast úr áfengi og það getur valdið miklum óþægindum. Láttu a.m.k. tvo daga líða frá því að meðferð lýkur þangað til að áfengis er neytt.
ÍþróttirLeyft við æfingar og í keppni.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.