Dabigatran etexilate Krka

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Dabigatran etexilate Krka

Opna mína lyfseðla
Segavarnarlyf

Lyfseðilsskylt

Verðflokkur G: Lyfið er niðurgreitt og fellur inn í greiðsluþrepakerfiðVirkt innihaldsefni: DabigatranSkráð 12. desember 2023

Dabigatran etexilate Krka er segavarnarlyf sem inniheldur virka efnið dabigatran etexílat. Lyfið er notað hjá fullorðnum til að koma í veg fyrir myndun blóðtappa hjá þeim sem eru með ákveðna tegund af óreglulegum hjartslætti sem kallast gáttatif án hjartalokusjúkdóms og a.m.k. einn annan áhættuþátt til viðbótar. Lyfið er einnig notað hjá fullorðnum og börnum til meðferðar við blóðtöppum og til að koma í veg fyrir endurtekna blóðtappamyndun. Dabigatran etexílat er forlyf sem breytist í dabigatran i líkamanum. Dabigatran kemur í veg fyrir segamyndun með því að hindra efni sem tekur þátt í storkuferlinu og kallast trombín.

Tafla 150 mg Hylki

Notkun á lyfjum

LyfjaformHylki til inntöku.
Venjulegar skammtastærðir150 mg (1 hylki) tvisvar á dag, einn skammt að morgni og einn skammt að kvöldi, u.þ.b. á sama tíma á hverjum degi. Bilið á milli skömmtunar þarf að vera eins nálægt 12 klukkustundum og mögulegt er.
Hversu langur tími uns verkun kemur framFljótlega eftir inntöku.
VerkunartímiU.þ.b. sólarhringur.
GeymslaGeymið þar sem börn hvorki ná til né sjá.
Ef skammtur gleymistÞað má taka skammtinn sem gleymdist allt að 6 klst fyrir næsta áætlaða skammt. Ef það eru minna en 6 klst í næsta skammt skal sleppa þeim skammt sem gleymdist, ekki á að tvöfalda skammta til að bæta upp fyrir þann sem gleymdist.
Hvernig á að hætta töku lyfsinsLyfið skal taka eins og læknir segir til um. Ekki skal hætta töku lyfsins nema í samráði við lækni.
Ef tekinn er of stór skammturHafa skal samband við lækni, sjúkrahús eða eitrunarmiðstöð (543 2222).
LangtímanotkunLyfið er ætlað til langtímanotkunar.

Aukaverkanir

Algengar aukaverkanir (>1%):
  • Blóðnasir
    Leitið til læknis
  • Hárlos
    Leitið til læknis
  • Meltingartruflanir
    Leitið til læknis
  • Ógleði, uppköst, niðurgangur
    Leitið til læknis
  • Vélindabakflæði
    Leitið til læknis
Sjaldgæfar aukaverkanir (<1%):
  • Blæðing
    Leitið til læknis
  • Ofnæmisviðbrögð, útbrot, kláði og öndunarerfiðleikar
    Leitið strax til læknis

Milliverkanir

Látið lækni vita af öllum lyfjum sem þú tekur. Jóhannesarjurt getur milliverkað með lyfinu og því á ekki að taka hana á meðan meðferð stendur.

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • þú sért með lifrar- eða nýrnasjúkdóm
  • þú sért með magabólgur eða bólgusjúkdóm í þörmum
  • þú sért með ofnæmi fyrir virka efninu eða einhverju hjálparefnanna
  • þú hafir blæðingartilhneigingu
  • þú hafir fengið hjartaáfall
  • þú takir einhver önnur lyf
  • þú sért með gervihjartalokur
MeðgangaÁhrif lyfsins á fóstur eru ekki þekkt. Forðast skal að nota lyfið á meðgöngu og að verða þunguð á meðan meðferð stendur.
BrjóstagjöfÞað má ekki vera með barn á brjósti á meðan meðferð með lyfinu stendur.
BörnLyfið er ætlað börnum 8 ára og eldri. Ráðlagður skammtur fer eftir þyngd og aldri.
Eldra fólkMinni skammtar eru ráðlagðir fyrir 80 ára og eldri, 110 mg tvisvar á dag.
AksturLyfið hefur ekki áhrif á hæfni til aksturs.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.