Serdolect

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Serdolect

Opna mína lyfseðla
Sefandi lyf

Lyfseðilsskylt

Verðflokkur G: Lyfið er niðurgreitt og fellur inn í greiðsluþrepakerfiðVirkt innihaldsefni: SertindólSkráð 1. október 2006

Serdolect inniheldur virka efnið sertindól. Lyfið tilheyrir flokki sefandi geðlyfja og er ætlað til meðhöndlunar á geðklofa. Geðklofi er sjúkdómur sem hrjáir konur jafnt sem karlmenn og greinist yfirleitt á aldrinum 15-30 ára. Sjúkdómurinn einkennist af ranghugmyndum, sjúklingar eiga erfitt með að greina milli raunveruleika og þeirra eigin hugmynda, þeir heyra raddir, sjá ofsjónir og halda að aðrir geti lesið hugsanir þeirra. Sertindól leiðréttir ákveðið efnaójafnvægi í heila sem veldur sjúkdómseinkennum. Lyfið hindrar virkni boðefna eins og dópamíns og serótóníns í heila. Sertindól tilheyrir nýjum flokki geðlyfja sem eru efnafræðilega óskyld eldri lyfjum og valda síður aukaverkunum eins og hreyfitruflunum.

Tafla 4 mg Tafla

Notkun á lyfjum

LyfjaformTöflur til inntöku.
Venjulegar skammtastærðirUpphafsskammtur er 4 mg sem smám saman er aukinn þar til viðhaldsskammti er náð sem oftast er á bilinu 12-20 mg. Töflurnar gleypist með vatnsglasi.
Hversu langur tími uns verkun kemur framHámarksþéttni í blóði næst 10 klst. eftir inntöku.
VerkunartímiNokkrir dagar.
Þörf á að breyta mataræði meðan lyfið er tekiðEngin.
GeymslaGeymist í lokuðum umbúðum við stofuhita og varið ljósi, þar sem börn hvorki ná til né sjá.
Ef skammtur gleymistTaktu lyfið um leið og þú manst eftir því. Ef stutt er til næsta skammts skaltu sleppa þeim sem gleymdist og halda áfram að taka lyfið eins og venjulega. Ekki taka tvo skammta í einu.
Hvernig á að hætta töku lyfsinsEkki hætta töku lyfsins nema í samráði við lækni.
Ef tekinn er of stór skammturStakir skammtar sem eru litlu stærri en venjulega ættu ekki að skapa vanda. Ef vart verður við einhver óvenjuleg einkenni skal hafa samband við lækni.
LangtímanotkunVið langtímanotkun er hugsanlegt að sertindól valdi síðkomnum hreyfitruflunum líkt og önnur lyf af þessum flokki geta gert. Síðkomnar hreyfitruflanir lýsa sér sem ósjálfráðar hreyfingar líkamans, oftast í andlitsvöðvum. Hættan á því að þessar aukaverkanir komi fram eykst eftir því sem lyfið er notað lengur. Hreyfitruflanir geta verið óafturkræfar en oftast ganga þær til baka á nokkrum mánuðum eftir að lyfjagjöf er hætt.

Aukaverkanir

Sumar aukaverkanir koma fram í upphafi meðferðar en hverfa við áframhaldandi meðferð. Ef aukaverkanir eru mjög óþægilegar eða standa lengur en 1-2 vikur skaltu hafa samband við lækninn.

Algengar aukaverkanir (>1%):
  • Bólga í nefi, stíflað nef
    Leitið til læknis
  • Mæði
    Leitið til læknis
  • Munnþurrkur
    Leitið til læknis
  • Náladofi, óeðlileg tilfinning í húð
    Leitið til læknis
  • Svimi
    Leitið til læknis
  • Truflun á sáðláti
    Leitið til læknis
  • Þyngdaraukning, bjúgur
    Leitið til læknis
Sjaldgæfar aukaverkanir (<1%):
  • Ósjálfráðar hreyfingar
    Leitið til læknis
  • Skert meðvitund
    Leitið strax til læknis
  • Vöðvastífni, krampar, hiti
    Leitið strax til læknis

Milliverkanir

Lyf sem hafa áhrif á lifrarensím geta haft áhrif á virkni sertindól.

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • grunur leiki á um þungun eða að þú sért með barn á brjósti
  • þú sért með hjartasjúkdóm
  • þú sért með ofnæmi fyrir virka efninu eða einhverju hjálparefnanna
  • þú sért með parkinsonsveiki
  • þú hafir fengið krampa eða sért með flogaveiki
  • þú takir einhver önnur lyf
  • þú sért með lifrarsjúkdóm
  • þú sért með of lágt kalíum eða magnesíum í blóði
MeðgangaTakmörkuð reynsla er af notkun lyfsins hjá þunguðum konum.
BrjóstagjöfEkki er vitað hvort lyfið berst í brjóstamjólk.
BörnLyfið er ekki ætlað börnum yngri en 18 ára.
Eldra fólkMinni skammtar eru oft notaðir.
AksturEkki aka bíl fyrr en reynsla er komin á það hvaða áhrif lyfið hefur.
ÁfengiGæta skal varúðar þegar áfengi er notað samtímis töku lyfsins.
ÍþróttirLeyft við æfingar og í keppni.
AnnaðÍ upphafi meðferðar getur þú fundið fyrir svima. Þessi einkenni hverfa við áframhaldandi meðferð.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.