Solian

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Solian

Opna mína lyfseðla
Sefandi lyf

Lyfseðilsskylt

Verðflokkur G: Lyfið er niðurgreitt og fellur inn í greiðsluþrepakerfiðVirkt innihaldsefni: AmísúlpríðSkráð 1. janúar 2005

Solian inniheldur virka efnið amísúlpríð. Lyfið tilheyrir nýjum flokki sefandi lyfja sem eru efnafræðilega óskyld eldri sefandi lyfjum. Þar sem áhrif lyfsins á boðefnakerfi í heilanum er nokkuð frábrugðin áhrifum eldri lyfjanna veldur það síður aukaverkunum eins og hreyfitruflunum sem eru meira áberandi hjá eldri lyfjunum. Solian er notað við bráðum og langvinnum geðtruflunum vegna geðklofa.

Tafla 200 mg Tafla

Notkun á lyfjum

LyfjaformTöflur til inntöku.
Venjulegar skammtastærðir50-800 mg á dag.
Hversu langur tími uns verkun kemur framMisjafnt eftir sjúklingum og sjúkdómsástandi.
VerkunartímiEkki að fullu þekktur.
Þörf á að breyta mataræði meðan lyfið er tekiðEngin.
GeymslaGeymist í lokuðum umbúðum við stofuhita þar sem börn hvorki ná til né sjá.
Ef skammtur gleymistTaktu lyfið um leið og þú manst eftir því. Ef stutt er til næsta skammts skaltu sleppa þeim sem gleymdist og halda áfram að taka lyfið eins og venjulega. Ekki taka tvo skammta í einu.
Hvernig á að hætta töku lyfsinsEkki hætta töku lyfsins nema í samráði við lækni.
Ef tekinn er of stór skammturStakir skammtar sem eru litlu stærri en venjulega ættu ekki að skapa vanda. Ef teknir eru stórir skammtar eða ef vart verður við óvenjuleg einkenni skal hafa samband við lækni.
LangtímanotkunÞyngdaraukning getur komið fram við notkun lyfsins í langan tíma.

Aukaverkanir

Algengasta aukaverkun lyfsins er svefnleysi sem getur komið fram hjá um 10% þeirra sem taka lyfið.

Algengar aukaverkanir (>1%):
  • Brjóstastækkun karlmanna
    Leitið til læknis
  • Getuleysi, fullnægingarerfiðleikar
    Leitið til læknis
  • Mjólkurflæði, tíðateppa, brjóstaverkir
    Leitið til læknis
  • Munnþurrkur, hægðatregða
    Leitið til læknis
  • Ógleði og uppköst
    Leitið til læknis
  • Ótti, óróleiki
    Leitið til læknis
  • Svefnleysi, svefnhöfgi
    Leitið til læknis
  • Útbrot og mikill kláði
    Leitið til læknis
  • Þyngdaraukning
    Leitið til læknis
Sjaldgæfar aukaverkanir (<1%):
  • Ósjálfráðar hreyfingar
    Leitið til læknis
  • Skert meðvitund
    Leitið strax til læknis
  • Vöðvastífni, krampar, hiti
    Leitið strax til læknis

Milliverkanir

Amísúlpríð getur aukið sljóvgandi áhrif róandi lyfja sem og haft áhrif á verkun blóðþrýstingslækkandi lyfja.

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • grunur leiki á um þungun eða að þú sért með barn á brjósti
  • þú sért með hjartasjúkdóm
  • þú sért með ofnæmi fyrir virka efninu eða einhverju hjálparefnanna
  • þú sért með parkinsonsveiki
  • þú sért með skerta nýrnastarfsemi
  • þú hafir fengið krampa eða sért með flogaveiki
  • þú takir einhver önnur lyf
MeðgangaTakmörkuð reynsla er af notkun lyfsins hjá þunguðum konum.
BrjóstagjöfEkki er vitað hvort lyfið berst í brjóstamjólk.
BörnLyfið er ekki ætlað börnum.
Eldra fólkAukin hætta er á aukaverkunum, gæta skal varúðar við notkun lyfsins.
AksturLyfið getur skert aksturshæfni. Ekki aka bíl fyrr en reynsla er komin á það hvaða áhrif lyfið hefur.
ÁfengiEkki neyta áfengis meðan lyfið er tekið.
ÍþróttirLeyft við æfingar og í keppni.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.