Ziprasidon Actavis

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Ziprasidon Actavis

Opna mína lyfseðla
Sefandi lyf

Lyfseðilsskylt

Verðflokkur G: Lyfið er niðurgreitt og fellur inn í greiðsluþrepakerfiðVirkt innihaldsefni: ZíprasídonSkráð 1. júní 2013

Virka efnið er zíprasídon. Lyfið er sefandi og er notað í meðferð á geðklofa. Zíprasídon hefur áhrif á virkni boðefna í heila, aðallega dópamín og serótónín, og hindrar virkni þessara boðefna að verulegu leyti. Þá verkar zíprasídon á virkni boðefna í taugafrumum, og þá aðallega á noradrenalín og serótónín. Rannsóknir hafa sýnt að notkun zíprasídons til lengri tíma er árangursrík og viðheldur bata hjá þeim sem svara meðferðinni í upphafi.

Tafla 20 mg Hylki

Notkun á lyfjum

LyfjaformHylki til inntöku.
Venjulegar skammtastærðirHylki: 20-80 mg í senn 2svar á dag, helst alltaf á sama tíma dags. Hylkin gleypist heil með mat.
Hversu langur tími uns verkun kemur framInnan við vika.
VerkunartímiUm 12 klst.
Þörf á að breyta mataræði meðan lyfið er tekiðEngin.
GeymslaGeymist í lokuðum umbúðum við stofuhita þar sem börn hvorki ná til né sjá.
Ef skammtur gleymistTaktu lyfið um leið og þú manst eftir því. Ef stutt er til næsta skammts skaltu sleppa þeim sem gleymdist og halda áfram að taka lyfið eins og venjulega. Ekki taka tvo skammta í einu.
Hvernig á að hætta töku lyfsinsEkki hætta töku lyfsins nema í samráði við lækni.
Ef tekinn er of stór skammturStakir skammtar sem er litlu stærri en venjulega ættu ekki að skapa vanda. Ef vart verður við einhver óvenjuleg einkenni skal hafa samband við lækni.
LangtímanotkunVið langtímanotkun er hugsanlegt að zíprasídon valdi síðkomnum hreyfitruflunum líkt og önnur lyf í sama flokki. Þær koma fram sem ósjálfráðar hreyfingar, oftast í andlitsvöðvum. Líkurnar aukast eftir því sem lyfið er notað lengur. Þessar aukaverkanir geta orðið óafturkræfar, en í flestum tilfellum ganga þær til baka á nokkrum mánuðum eftir að lyfjagjöf er hætt. Ungir sjúklingar fá síður þessar aukaverkanir en eldri og þær ganga frekar til baka hjá þeim eftir að lyfjagjöf hættir.

Aukaverkanir

Langalgengasta aukaverkun lyfsins er sljóleiki, en yfir 10% þeirra sem taka lyfið finna fyrir því. Brjóstastækkun og aukin mjólkurmyndun, sem fylgir oft notkun lyfja í þessum flokki, gætir sjaldan með lyfinu.

Algengar aukaverkanir (>1%):
  • Eirðarleysi, þróttleysi, þreyta
    Leitið til læknis
  • Höfuðverkur, skjálfti
    Leitið til læknis
  • Hreyfitruflanir, parkinsonseinkenni
    Leitið til læknis
  • Meltingartruflanir
    Leitið til læknis
  • Munnþurrkur, aukin munnvatnsmyndun
    Leitið til læknis
  • Ógleði, uppköst, hægðatregða
    Leitið til læknis
  • Sljóleiki, sundl, svefndrungi
    Leitið til læknis
  • Stirðleiki
    Leitið til læknis
  • Þokusýn
    Leitið til læknis
Sjaldgæfar aukaverkanir (<1%):
  • Brjóstastækkun karlmanna
    Leitið til læknis
  • Gula
    Leitið til læknis
  • Háþrýstingur
    Leitið til læknis
  • Hiti, slappleiki, lystarleysi og marblettir
    Leitið strax til læknis
  • Hjartsláttartruflanir, hraður hjartsláttur
    Leitið strax til læknis
  • Þvagtregða
    Leitið strax til læknis
  • Útbrot, kláði, bjúgur og öndunarerfiðleikar
    Leitið strax til læknis

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • grunur leiki á um þungun eða að þú sért með barn á brjósti
  • þú sért með hjartasjúkdóm
  • þú sért með langvarandi lifrarsjúkdóm
  • þú sért með ofnæmi fyrir virka efninu eða einhverju hjálparefnanna
  • þú takir einhver önnur lyf
  • þú sért með flogaveiki eða hafir fengið flog
MeðgangaTakmörkuð reynsla er af notkun lyfsins hjá þunguðum konum.
BrjóstagjöfEkki er vitað hvort lyfið berst í brjóstamjólk.
BörnLyfið er ekki ætlað börnum.
Eldra fólkVenjulegar skammtastærðir.
AksturLyfið getur haft slævandi áhrif og þannig haft áhrif á aksturshæfni. Ekki aka bíl fyrr en reynsla er komin á það hvaða áhrif lyfið hefur.
ÁfengiEkki neyta áfengis meðan lyfið er tekið.
ÍþróttirLeyft við æfingar og í keppni.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.