Cordarone

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Cordarone

Opna mína lyfseðla
Hjartasjúkdómalyf

Lyfseðilsskylt

Verðflokkur G/0: Lyfið er niðurgreitt og fellur inn í greiðsluþrepakerfiðVirkt innihaldsefni: AmíódarónSkráð 1. apríl 1987

Cordarone er gefið við hjartsláttartruflunum. Virka efnið amíódarón hægir á leiðslukerfi hjartans og hjartslætti. Með þessu kemur það í veg fyrir margar tegundir hjartsláttartruflana, t.d. vegna galla í leiðslukerfi hjartans. Amíódarón er mjög virkt lyf en vegna hættulegra aukaverkana þess er það aðeins notað í alvarlegum tilfellum. Til þess að minnka líkur á því að aukaverkanir lyfsins komi fram er reynt að nota sem minnsta skammta. Sjúklingar sem taka lyfið þurfa engu að síður að vera undir reglulegu eftirliti.

Tafla 100 mg Tafla

Notkun á lyfjum

LyfjaformTöflur til inntöku og stungulyf í æð.
Venjulegar skammtastærðirTöflur: 100-600 mg á dag. Stungulyfið er eingöngu notað á sjúkrahúsum.
Hversu langur tími uns verkun kemur fram3-6 vikur.
VerkunartímiEftir stöðuga töku lyfsins haldast áhrif á hjartsláttartruflanir í 10-90 daga.
Þörf á að breyta mataræði meðan lyfið er tekiðEngin.
GeymslaGeymist í lokuðum umbúðum við stofuhita þar sem börn hvorki ná til né sjá.
Ef skammtur gleymistSlepptu þeim skammti sem gleymdist og haltu áfram að taka lyfið eins og venjulega. Ef lyfið gleymist tvo eða fleiri daga í röð skaltu hafa samband við lækni. Ekki taka tvo skammta í einu.
Hvernig á að hætta töku lyfsinsEinkenni sjúkdómsins geta versnað þegar töku lyfsins er hætt. Ekki hætta töku lyfsins nema í samráði við lækni.
Ef tekinn er of stór skammturStakir skammtar sem eru litlu stærri en venjulega ættu ekki að skapa vanda. Ef stórir skammtar eru teknir eða ef vart verður við einhver óvenjuleg einkenni skal hafa samband við lækni strax.
LangtímanotkunAukaverkanir lyfsins á augu, lungu, skjaldkirtil og lifur geta komið fram eftir notkun í lengri tíma. Æskilegt er að fylgst sé reglulega með augum, lifrarstarfsemi og skjaldkirtilshormónum í blóði meðan lyfið er tekið.

Aukaverkanir

Algengar aukaverkanir (>1%):
  • Gula
    Leitið til læknis
  • Hægðatregða
    Leitið til læknis
  • Húð og augu viðkvæm fyrir sólarljósi
    Leitið til læknis
  • Húðútbrot eða húð litast grá-eða bláleit eftir sólarljós
    Leitið til læknis
  • Ógleði og uppköst
    Leitið til læknis
  • Sjóntruflanir, augnþurrkur
    Leitið til læknis
  • Svefntruflanir, martraðir
    Leitið til læknis
  • Truflun á bragðskyni
    Leitið til læknis
  • Þreyta, svimi, lystarleysi
    Leitið til læknis
  • Óreglulegur hjartsláttur, verkur fyrir brjósti
    Leitið strax til læknis
  • Skjálfti í útlimum, erfiðleikar með gang
    Leitið strax til læknis
Sjaldgæfar aukaverkanir (<1%):
  • Útbrot, kláði
    Leitið til læknis
  • Mæði, öndunarerfiðleikar
    Leitið strax til læknis

Milliverkanir

Náttúrulyfið Jóhannesarjurt getur dregið úr virkni lyfsins. Greint hefur verið frá mögulegum alvarlegum fylgikvillum hjá sjúklingum sem hafa gengist undir almenna svæfingu.

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • grunur leiki á um þungun eða að þú sért með barn á brjósti
  • þú sért með einhvern augnsjúkdóm
  • þú sért með einhvern lungnasjúkdóm
  • þú sért með langvarandi lifrar- eða nýrnasjúkdóm
  • þú sért með of- eða vanvirkan skjaldkirtil
  • þú sért með ofnæmi fyrir virka efninu eða einhverju hjálparefnanna
  • þú takir einhver önnur lyf
MeðgangaLyfið berst yfir fylgju og getur haft áhrif á fóstur.
BrjóstagjöfLyfið berst í brjóstamjólk og getur haft áhrif á barnið.
BörnLyfið er ekki ætlað börnum.
Eldra fólkViðkvæmara fyrir aukaverkunum. Minni skammtar eru oft notaðir.
AksturLyfið hefur ekki áhrif á aksturshæfni.
ÁfengiÍ litlum skömmtum hefur áfengi ekki áhrif á verkun lyfsins.
ÍþróttirLeyft við æfingar og í keppni.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.