Sotalol Mylan

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Sotalol Mylan

Opna mína lyfseðla
Beta-blokkar

Lyfseðilsskylt

Verðflokkur G: Lyfið er niðurgreitt og fellur inn í greiðsluþrepakerfiðVirkt innihaldsefni: SótalólSkráð 1. janúar 1994

Sótalól tilheyrir flokki lyfja sem kallast beta-blokkarar. Lyf í honum hindra áhrif boðefnanna adrenalíns og noradrenalíns á ýmis líffæri, s.s. hjarta og æðar. Beta-blokkarar skiptast í undirflokka eftir eiginleikum sínum, t.d. hvort þeir hafi sérhæfð áhrif á hjarta eða komist í miðtaugakerfið eða ekki. Sótalól hefur ekki sérhæfð áhrif á hjartavöðva. Þetta er ástæða fyrir mörgum aukaverkunum þess þegar það er notað við of háum blóðþrýstingi eða hjartsláttaróreglu. Sótalól hefur meiri áhrif á hjartsláttartruflanir en aðrir beta-blokkarar og það er notað við margs konar hjartsláttartruflunum. Sótalól stuðlar að samdrætti lungnaberkja og þar með þrengingu loftvega. Lyfið er því sjaldan notað fyrir sjúklinga með öndunarfærasjúkdóma á borð við astma, berkjubólgu eða lungnaþembu. Eins og aðrir beta-blokkarar hefur sótalól áhrif á stjórnun blóðsykurs og því þarf að gæta varúðar sé lyfið gefið sykursjúkum.

Tafla 40 mg Tafla

Notkun á lyfjum

LyfjaformTöflur til inntöku.
Venjulegar skammtastærðir80-320 mg á dag. Töflurnar gleypist með vatnsglasi.
Hversu langur tími uns verkun kemur framÁhrif á hjartsláttarhraða: 2-3 klst.
Þörf á að breyta mataræði meðan lyfið er tekiðEngin.
GeymslaGeymist í lokuðum umbúðum við stofuhita þar sem börn hvorki ná til né sjá.
Ef skammtur gleymistTaktu lyfið um leið og þú manst eftir því. Ef stutt er til næsta skammts skaltu sleppa þeim sem gleymdist og halda áfram að taka lyfið eins og venjulega. Ekki taka tvo skammta í einu.
Hvernig á að hætta töku lyfsinsSjúkdómur getur versnað þegar töku lyfsins er hætt. Ekki hætta töku lyfsins nema í samráði við lækni.
Ef tekinn er of stór skammturHafðu samband við lækni í öllum tilfellum. Ef vart verður við öndunarerfiðleika eða skerta meðvitund skal leita neyðarhjálpar þegar í stað.
LangtímanotkunÁn vandkvæða.

Aukaverkanir

Aukaverkanir lyfsins eru tíðari eftir því sem skammtarnir eru stærri. Aukaverkanir eru oft verstar í upphafi meðferðar en mildast með tímanum.

Algengar aukaverkanir (>1%):
  • Bjúgur
    Leitið til læknis
  • Hand- eða fótkuldi
    Leitið til læknis
  • Höfuðverkur, svimi, þreyta
    Leitið til læknis
  • Kviðverkir, niðurgangur, vindgangur
    Leitið til læknis
  • Meltingartruflanir
    Leitið til læknis
  • Ógleði og uppköst
    Leitið til læknis
  • Sjón- og heyrnartruflanir
    Leitið til læknis
  • Svefntruflanir
    Leitið til læknis
  • Truflanir á kynhvöt og kyngetu
    Leitið til læknis
  • Truflun á bragðskyni, aðrar skyntruflanir
    Leitið til læknis
  • Útbrot, hiti
    Leitið til læknis
  • Vöðvakrampar
    Leitið til læknis
  • Þunglyndi, kvíði, skapbreytingar
    Leitið til læknis
  • Hjartsláttartruflanir, hægur hjartsláttur
    Leitið strax til læknis
  • Verkur fyrir brjósti, mæði
    Leitið strax til læknis

Milliverkanir

Sé lyfið tekið með öðrum blóðþrýstingslækkandi lyfjum geta áhrif þeirra magnast. Náttúrulyfið Jóhannesarjurt getur dregið úr virkni lyfsins.

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • grunur leiki á um þungun eða að þú sért með barn á brjósti
  • lítið blóðflæði sé til útlima (kemur fram sem hand- eða fótkuldi)
  • þú sért með astma eða annan lungnasjúkdóm
  • þú sért með langvarandi lifrar- eða nýrnasjúkdóm
  • þú sért með of- eða vanvirkan skjaldkirtil
  • þú sért með ofnæmi fyrir virka efninu eða einhverju hjálparefnanna
  • þú sért með sykursýki
  • þú takir einhver önnur lyf
MeðgangaNokkur hætta er á því að lyfið hafi áhrif á fóstur.
BrjóstagjöfLyfið berst í brjóstamjólk og getur haft áhrif á barnið.
BörnLyfið er ekki ætlað börnum.
AksturLyfið getur valdið svima og þar með haft áhrif á aksturshæfni. Ekki aka bíl fyrr en reynsla er komin á það hvaða áhrif lyfið hefur.
ÁfengiGetur dregið úr áhrifum sótalóls á blóðþrýsting og hjartsláttarhraða. Æskilegt er að halda áfengisneyslu í lágmarki meðan lyfið er tekið.
ÍþróttirNotkun lyfsins er bönnuð í sumum íþróttagreinum.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.