Enerzair Breezhaler

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Enerzair Breezhaler

Opna mína lyfseðla
Lyf gegn teppusjúkdómum í öndunarvegi

Lyfseðilsskylt

Verðflokkur 0: Lyfið er ekki niðurgreitt og fellur ekki inn í greiðsluþrepakerfiðVirkt innihaldsefni: Mómetasón, Indacaterol, GlýkópyrroníumSkráð 1. janúar 2021

Enerzair Breezhaler inniheldur virku efnin indacaterol, glýkópyrroníum og mómetasón. Indacaterol tilheyrir flokki lyfja sem kallast berkjuvíkkandi lyf. Þegar því er andað að sér slakar það á vöðvunum í veggjum grönnu loftveganna í lungunum. Þetta aðstoðar við að opna öndunarveginn og auðveldar við að koma loftinu inn og út. Glýkópyrroníum tilheyrir flokki múskarínviðtakablokka sem kemur í veg fyrir berkjuþrengingar og víkkar þar með öndunarveginum. Mómetasón tilheyrir flokki lyfja sem kallast barksteri. Barksterar draga úr bólgu í öndunarveginum og hjálpar því smám saman að auðvelda öndun sem og að koma í veg fyrir astmakast. Enerzair Breezhaler er notað til að auðvelda öndun hjá fullorðnum sjúklingum með astma þegar meðhöndlun með langverkandi berkjuvíkkandi lyfi og innöndunarstera í háum skammti dugar ekki til. Astmi veldur því að vöðvar í kringum smærri öndunarvegi í lungum dragast saman (berkjusamdráttur) og bólgna. Helstu einkenni astma eru meðal annars mæði, másandi öndun, spenna fyrir brjósti og hósti. Lyfið er notað daglega til að koma í veg fyrir einkenni astma en ekki eftir þörfum við skyndileg astmaeinkenni.

Notkun á lyfjum

LyfjaformInnöndunarduft
Venjulegar skammtastærðirVenjulegur skammtur er innihald eins hylkis til innöndunar á hverjum degi, á sama tíma dags. Skola munn með vatni eftir innöndun en ekki kyngja vatninu.
Hversu langur tími uns verkun kemur framInnan við 30 mín.
VerkunartímiUm 24 klst.
Þörf á að breyta mataræði meðan lyfið er tekiðEngin.
GeymslaGeymist í upprunalegri þynnu til varnar gegn ljósi og raka við stofuhita þar sem börn hvorki ná til né sjá.
Ef skammtur gleymistNotaðu lyfið um leið og þú manst eftir því. Ef stutt er til næsta skammts skaltu sleppa þeim sem gleymdist og halda áfram að nota lyfið eins og venjulega. Ekki nota tvo skammta sama daginn.
Hvernig á að hætta töku lyfsinsNotaðu lyfið svo lengi sem læknir segir fyrir um. Einkenni sjúkdómsins geta aftur komið fram þegar notkun lyfsins er hætt. Ekki hætta notkun lyfsins nema í samráði við lækni.
Ef tekinn er of stór skammturEf þú hefur andað að þér of miklu af lyfinu fyrir slysni skaltu tafarlaust leita ráða hjá lækninum eða á sjúkrahúsi, eitrunarmiðstöð sími (543 2222). Þú gætir þurft læknishjálp.
LangtímanotkunÁn vandkvæða.

Aukaverkanir

Algengasta aukaverkunin sem skráð hefur verið er versnun á astma.

Algengar aukaverkanir (>1%):
  • Höfuðverkur
    Leitið til læknis
  • Liðverkir, vöðvaverkir, bakverkir
    Leitið til læknis
  • Munnþurrkur
    Leitið til læknis
  • Versnun á astma
    Leitið til læknis
  • Útbrot, kláði, bjúgur og öndunarerfiðleikar
    Leitið strax til læknis
Sjaldgæfar aukaverkanir (<1%):
  • Hækkun á blóðsykri
    Leitið til læknis
  • Útbrot og mikill kláði
    Leitið til læknis
  • Þokusýn
    Leitið til læknis
  • Hraður hjartsláttur, hjartsláttarónot
    Leitið strax til læknis
  • Sveppasýking í munni
    Leitið strax til læknis
  • Sýking og bólga í nefi og koki
    Leitið strax til læknis
  • Þvagtregða
    Leitið strax til læknis

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • grunur leiki á um þungun eða að þú sért með barn á brjósti
  • þú sért með gláku
  • þú sért með hjarta-, lifrar- eða nýrnasjúkdóm
  • þú sért með ofnæmi fyrir virka efninu eða einhverju hjálparefnanna
  • þú sért með sykursýki
  • þú hafir fengið krampa eða sért með flogaveiki
  • þú takir einhver önnur lyf
  • þú sért með skjaldkirtilssjúkdóm
  • þú sért með berklasýkingu í öndunarvegi
  • þú sért með ómeðhöndlaða sýkingu
  • þú sért með þvagteppu
  • þú sért með lág kalíumgildi í blóði
MeðgangaTakmörkuð reynsla er af notkun lyfsins hjá þunguðum konum.
BrjóstagjöfEkki er vitað hvort lyfið berst í brjóstamjólk.
BörnLyfið er ekki ætlað börnum yngri en 18 ára.
Eldra fólkVenjulegar skammtastærðir.
AksturÓlíklegt er að lyfið hafi áhrif á aksturshæfni.
ÁfengiÍ litlum skömmtum hefur áfengi ekki áhrif á verkun lyfsins.
ÍþróttirBannað í og utan keppni. Hægt er að sækja um einfaldaða undanþágu til Undanþágunefndar Lyfjaráðs ÍSÍ.
AnnaðLyfið inniheldur laktósa (mjólkursykur). Ef óþol fyrir sykrum hefur verið staðfest skal hafa samband við lækni áður en lyfið er tekið inn.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.