Trimbow

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Trimbow

Opna mína lyfseðla
Öndunarfæralyf

Lyfseðilsskylt

Verðflokkur G: Lyfið er niðurgreitt og fellur inn í greiðsluþrepakerfiðVirkt innihaldsefni: Formóteról, Glýkópyrroníum, BeklómetasónSkráð 14. janúar 2021

Trimbow er innöndunarlyf sem inniheldur þrjú virk efni, beklómetason, formóteról og glýkópýrróníum. Beklómetason er sykursteri sem hefur bólgueyðandi áhrif og er notaður til að minnka bólgu í langivnnum bólgusjúkdómum í öndunarvegi. Formóteról og glýkópýrróníum eru lyf sem hafa áhrif berkjuvíkkandi áhrif. Trimbow er notað sem viðhaldsmeðferð hjá fullorðnum með langvinna lungnateppu eða astma. Ekki nota lyfið til að meðhöndla skyndileg andnauðar- eða másköst

Notkun á lyfjum

LyfjaformInnúðalyf og innöndunarduft.
Venjulegar skammtastærðir2 skammtar 2svar á dag.
Hversu langur tími uns verkun kemur fram1-3 mínútur.
Verkunartími12 tímar.
GeymslaInnúaðalyf: Lyfið er geymt í kæli fyir opnun. Eftir opnun geymist það í 3 mánuði við stofuhita. Innöndunarduft: Þegar pokinn hefur verið rofinn skal nota lyfið innan 6 vikna og geyma á þurrum stað.
Ef skammtur gleymistNotaðu það um leið og þú manst eftir því. Ef næstum er komið að næsta skammti skaltu ekki taka skammtinn sem gleymdist heldur taka næsta skammt á réttum tíma. Ekki má tvöfalda skammtinn.
Hvernig á að hætta töku lyfsinsÞað á að hætta töku lyfsins í samráði við lækni.
Ef tekinn er of stór skammturEf of stór skammtur var tekinn inn eða barn notar lyfið skal hafa strax samband við lækni eða eitrunarmiðstöð Landspítalans (sími 543 2222).
LangtímanotkunÁn vandkvæða.

Aukaverkanir

Algengar aukaverkanir (>1%):
  • Höfuðverkur
    Leitið til læknis
  • Lungnabólga, berkjubólga
    Leitið til læknis
  • Raddtruflun
    Leitið til læknis
  • Sveppasýking í munni og hálsi
    Leitið til læknis
Sjaldgæfar aukaverkanir (<1%):
  • Mæði eða öndunarerfiðleikar
    Leitið strax til læknis
  • Ofnæmisviðbrögð, útbrot, kláði og öndunarerfiðleikar
    Leitið strax til læknis

Milliverkanir

Getur milliverkað með ýmsum lyfjum. Láttu lækni vita hvaða lyf þú tekur.

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • hvort þú sért með gláku
  • hvort þú sért með sykursýki
  • grunur leiki á um þungun eða að þú sért með barn á brjósti
  • þú sért með hjarta-, lifrar- eða nýrnasjúkdóm
  • þú sért með ofnæmi fyrir virka efninu eða einhverju hjálparefnanna
  • þú sért með ofvirkan skjaldkirtil
  • þú sért með stækkaðan blöðruhálskirtil
  • þú sért með lág kalíumgildi í blóði
MeðgangaLyfið á helst ekki að nota á meðgöngu.
BrjóstagjöfLyfið á helst ekki að nota með barn á brjósti.
BörnLyfið er ekki ætlað börnum.
Eldra fólkVenjulegir skammtar.
AksturLyfið hefur engin áhrif á hæfni til aksturs.
ÁfengiÁfengi getur aukið aukaverkanir lyfsins á hjarta.
ÍþróttirLyfið er leyft í takmörkuðu magni í keppni.
AnnaðEftir notkun lyfsins á að skola munninn eða gúlgra með vatni án þess að kyngja því, eða bursta tennurnar til þess að draga úr hættu á að fá sveppasýkingu í munn og kok.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.