DuoTrav

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

DuoTrav

Opna mína lyfseðla
Glákulyf

Lyfseðilsskylt

Verðflokkur G: Lyfið er niðurgreitt og fellur inn í greiðsluþrepakerfiðVirkt innihaldsefni: Tímólól, TravóprostSkráð 1. júní 2007

DouTrav inniheldur tvö virk innihalds efni, tímólól og travóprost og er notað við gláku (gleiðhornsgláku) og háum augnþrýstingi. Gláka stafar af ójafnvægi milli framleiðslu á augnvökva og frárennslis hans, með þeim afleiðingum að vökvinn safnast fyrir og þrýstingur í auganu hækkar. Þegar þrýstingurinn hækkar geta æðar til sjónhimnu þrengst og blóðflæði um þær minnkað. Ef ekki er brugðist við í tíma getur það valdið skemmdum í sjónhimnunni og jafnvel blindu. Gláka er flokkuð í tvær tegundur, þrönghorns- og gleiðhornsgláku, eftir því hvernig frárennsli augnvökvans er hindrað. Verkunarmáti lyfsins felst í því að lækka augnþrýstinginn með tvennum hætti annars vegar með því að auka útflæði augnvökvans og hins vegar með því að draga úr framleiðslu augnvökvans.

Notkun á lyfjum

LyfjaformAugndropar.
Venjulegar skammtastærðir1 dropi í auga einu sinni á dag, alltaf á sama tíma sólarhrings.
Hversu langur tími uns verkun kemur framUm 2 klst. Hámarksverkun næst eftir 12 klst.
VerkunartímiMinnst 24 klst. með einum skammti.
Þörf á að breyta mataræði meðan lyfið er tekiðEngin.
GeymslaGeymist í lokuðum umbúðum þar við stofuhita þar sem börn hvorki ná til né sjá. Nota skal lyfið innan 4ra vikna frá því að innri umbúðir þess hafa verið opnaðar.
Ef skammtur gleymistNotaðu lyfið um leið og þú mannst eftir því. Ef stutt er til næsta skammts skaltu sleppa þeim sem gleymdist og halda áfram að nota lyfið eins og venjulega. Ekki nota tvo skammta í einu.
Hvernig á að hætta töku lyfsinsAugnþrýstingur getur hækkað sem getur síðan leitt til blindu ef notkun lyfsins er hætt. Ekki hætta notkun lyfsins nema í samráði við lækni.
Ef tekinn er of stór skammturStakir skammtar sem eru litlu stærri en venjulega ættu ekki að valda óþægindum. Ef stórir skammtar eru notaðir skal skola þá úr með volgu vatni og ekki nota annan skammt fyrr en kemur að þeim næsta. Ef vart verður við einhver óvenjuleg einkenni skal hafa samband við lækni.
LangtímanotkunLyfið getur smám saman breytt augnlit. Meðferð á öðru auganu getur því leitt til þess að lithimnur augna verði varanlega mislitar. Fylgjast þarf reglulega með augnþrýstingi til þess að meta áhrif lyfsins.

Aukaverkanir

Algengar aukaverkanir (>1%):
  • Augnþurrkur
    Leitið til læknis
  • Breytingar á augnhárum, mislitun á húð umhverfis augu
    Leitið til læknis
  • Erting, kláði og roði í auga eða augnloki
    Leitið til læknis
  • Hækkaður eða lækkaður blóðþrýstingur
    Leitið til læknis
  • Hjartsláttartruflanir, hægur hjartsláttur
    Leitið til læknis
  • Höfuðverkur, sundl
    Leitið til læknis
  • Ljósfælni og verkir í auga
    Leitið til læknis
  • Sjóntruflanir
    Leitið til læknis
  • Taugaveiklun
    Leitið til læknis
  • Verkir í útlimum
    Leitið til læknis
Sjaldgæfar aukaverkanir (<1%):
  • Útbrot, kláði, bjúgur og öndunarerfiðleikar
    Leitið strax til læknis

Milliverkanir

Ef önnur staðbundin augnlyf eru notuð samtímis, skal láta líða a.m.k. 5 mín. á milli ídreypinga. Milliverkanir við önnur lyf hefur ekki verið kannaðar sérstaklega. Talið er að þessi lyf geti haft áhrif á ákveðnar aukaverkanir lyfsins eins og t.d. á blóðþrýsting og hjarslátt. Talið er að lyfið geti líka aukið blóðsykurlækkandi áhrif sykursýkislyfja.

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • grunur leiki á um þungun eða að þú sért með barn á brjósti
  • þú sért með hjarta- eða æðasjúkdóm
  • þú sért með of- eða vanvirkan skjaldkirtil
  • þú sért með ofnæmi fyrir einhverjum lyfjum
  • þú sért með sykursýki
  • þú sért með öndunarfærasjúkdóm
  • þú takir einhver önnur lyf
  • þú sért ekki með augastein í öðru eða báðum augum
MeðgangaNokkur hætta er á því að lyfið hafi áhrif á fóstur.
BrjóstagjöfTímólól berst í brjóstamjólk. Konur með barn á brjósti eiga því ekki að nota lyfið.
BörnLyfið er ekki ætlað börnum yngri en 18 ára.
Eldra fólkVenjulegar skammtastærðir.
AksturEins og á við með önnur augnlyf getur notkun augndropa valdið tímabundnum sjóntruflunum.
ÁfengiÍ litlum skömmtun hefur áfengi ekki áhrif á verkun lyfsins.
ÍþróttirNotkun lyfsins er bönnuð í sumum íþróttagreinum.
AnnaðRotvarnarefni í augndropunum getur skemmt mjúkar augnlinsur. Láttu a.m.k. 15 mín. líða þar til þú setur linsurnar í þig eftir að þú hefur notað dropana.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.