Fragmin

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Fragmin

Opna mína lyfseðla
Segavarnarlyf

Lyfseðilsskylt

Verðflokkur G: Lyfið er niðurgreitt og fellur inn í greiðsluþrepakerfiðVirkt innihaldsefni: DalteparínSkráð 1. apríl 1993

Fragmin er blóðþynnandi lyf sem notað er til að meðhöndla blóðtappa og einnig sem fyrirbyggjandi þar sem auknar líkur eru á blóðtappamyndum, t.d. við skurðaðgerðir og hjá sjúklingum sem eru rúmliggjandi vegna bráðra veikinda. Lyfið er einnig notað til meðferðar á kransæðasjúkdómi. Mælt er með inntöku á lágskammta asetýlsalicýlsýru (Hjartamagnýli) með lyfinu. Blóðstorknun er flókið ferli sem fer af stað þegar blóð kemst í snertingu við annað yfirborð en æðaveggi. Ef hætta er á óeðlilegri blóðstorknun og myndun blóðtappa, t.d. eftir aðgerðir, þarf að nota blóðþynnandi lyf. Ef blóðtappi myndast og stíflar slagæð kemur fram blóðþurrð og jafnvel drep í vefjum sem æðin liggur til. Ef blóðtappi stíflar bláæð myndast bjúgur og bólga í vefjum sem æðin liggur frá.

Notkun á lyfjum

LyfjaformStungulyf undir húð.
Venjulegar skammtastærðirSkammtar eru einstaklingsbundnir og háðir líkamsástandi og -þyngd.
Hversu langur tími uns verkun kemur framHámarksstyrkur í blóði næst eftir u.þ.b. 4 klst.
VerkunartímiUm 24 klst.
Þörf á að breyta mataræði meðan lyfið er tekiðEngin.
GeymslaGeymist í lokuðum umbúðum við stofuhita þar sem börn hvorki ná til né sjá.
Ef skammtur gleymistNotaðu lyfið um leið og þú manst eftir því. Ef stutt er til næsta skammts skaltu sleppa þeim sem gleymdist og halda áfram að nota lyfið eins og venjulega. Ekki nota tvo skammta í einu.
Hvernig á að hætta töku lyfsinsNotaðu lyfið svo lengi sem læknir segir fyrir um. Einkenni sjúkdómsins geta aftur komið fram þegar notkun lyfsins er hætt. Ekki hætta notkun lyfsins nema í samráði við lækni.
Ef tekinn er of stór skammturHafðu samband við lækni í öllum tilfellum. Ef blæðingar sjást, t.d. undir húð, eða ef meðvitund skerðist skal leita neyðarhjálpar þegar í stað.
LangtímanotkunLyfið er ekki ætlað til langtímanotkunar.

Aukaverkanir

Mælt er með því að meðferð með lyfjum, sem hafa áhrif á storkukerfi blóðsins, sé hætt áður en meðferð byrjar með dalteparín nema notkun lyfsins sé mjög brýn.

Algengar aukaverkanir (>1%):
  • Margúll undir húð á stungustað
    Leitið til læknis
  • Staðbundin erting
    Leitið til læknis
Sjaldgæfar aukaverkanir (<1%):
  • Óeðlilegar blæðingar
    Leitið strax til læknis
  • Svartar eða blóðugar hægðir, blóð í þvagi
    Leitið strax til læknis
  • Sársaukafullur þroti í húð
    Leitið strax til læknis
  • Útbrot, kláði, bjúgur og öndunarerfiðleikar
    Leitið strax til læknis

Milliverkanir

Samtímis notkun lyfja sem hafa áhrif á storkukerfi blóðs, t.d. asetýlsalicýlsýra, bólgueyðandi gigtarlyf (NSAID), mótefni K-vítamíns og dextrön geta aukið segavörnina. Náttúrulyfið ginkgo getur aukið blæðingahættu.

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • grunur leiki á um þungun eða að þú sért með barn á brjósti
  • þú sért með háan blóðþrýsting
  • þú sért með langvarandi lifrar- eða nýrnasjúkdóm
  • þú sért með maga- eða skeifugarnarsár
  • þú sért með ofnæmi fyrir virka efninu eða einhverju hjálparefnanna
  • þú sért með sykursýki
  • þú takir einhver önnur lyf
  • þú hafir sögu um blæðingartilhneigingu
  • þú hafir nýlega fengið heilablæðingu
  • þú hafir nýlega gengist undir skurðaðgerð á taugum eða á augum
MeðgangaEngin þekkt áhætta er af notkun lyfsins á meðgöngu.
BrjóstagjöfTakmörkuð reynsla er af notkun lyfsins samhliða brjóstagjöf.
BörnLyfið er ekki ætlað börnum.
Eldra fólkVenjulegar skammtastærðir.
AksturLyfið hefur ekki áhrif á aksturshæfni.
ÁfengiEkki neyta áfengis meðan lyfið er notað.
ÍþróttirLeyft við æfingar og í keppni.
AnnaðEf þú notar dalteparín er mikilvægt að láta alltaf lækna og tannlækna vita af því.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.