Relifex

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Relifex

Opna mína lyfseðla
Bólgueyðandi lyf og gigtarlyf

Lyfseðilsskylt

Verðflokkur G: Lyfið er niðurgreitt og fellur inn í greiðsluþrepakerfiðVirkt innihaldsefni: NabúmetonSkráð 1. apríl 1995

Relifex er bólgueyðandi lyf með verkjastillandi og hitalækkandi verkun. Virka efnið nabúmeton dregur úr myndun prostaglandínefna í líkamanum en þau valda m.a. bólgumyndun. Relifex er notað við iktsýki og slitgigt. Lyfið getur valdið því að hörund verður ljósnæmara og því er ráðlegt að forðast sólarljós og nota sólvörn á meðan lyfið er tekið.

Tafla 500 mg Tafla

Notkun á lyfjum

LyfjaformTöflur og lausnartöflur til inntöku.
Venjulegar skammtastærðir1-2 g á dag. Lausnartöflurnar leysist upp í vatni fyrir inntöku.
Hversu langur tími uns verkun kemur framÁhrif lyfsins koma fram á 1-3 vikum.
VerkunartímiEkki að fullu þekktur.
Þörf á að breyta mataræði meðan lyfið er tekiðEngin.
GeymslaGeymist í lokuðum umbúðum við stofuhita þar sem börn hvorki ná til né sjá.
Ef skammtur gleymistTaktu lyfið um leið og þú manst eftir því. Ef stutt er til næsta skammts skaltu sleppa þeim sem gleymdist og halda áfram að taka lyfið eins og venjulega. Ekki taka tvo skammta í einu.
Hvernig á að hætta töku lyfsinsSjúkdómurinn getur versnað þegar töku lyfsins er hætt. Ekki hætta töku lyfsins nema í samráði við lækni.
Ef tekinn er of stór skammturStakir skammtar sem eru litlu stærri en venjulega ættu ekki að skapa vanda. Ef teknir eru mjög stórir skammtar eða ef vart verður við einhver óvenjuleg einkenni skal hafa samband við lækni.
LangtímanotkunVið langtímanotkun getur nabúmeton valdið magasári og magablæðingu. Því getur verið nauðsynlegt að fara reglulega í eftirlit til læknis sé lyfið notað í langan tíma.

Aukaverkanir

Algengustu aukaverkanir lyfsins eru frá meltingarvegi, svo sem kviðverkir og niðurgangur.

Algengar aukaverkanir (>1%):
  • Aukin svitamyndun
    Leitið til læknis
  • Bjúgur
    Leitið til læknis
  • Höfuðverkur, svimi, þreyta
    Leitið til læknis
  • Kviðverkir, hægðatregða, vindgangur
    Leitið til læknis
  • Meltingartruflanir
    Leitið til læknis
  • Ógleði, uppköst, niðurgangur
    Leitið til læknis
  • Sár í munni
    Leitið til læknis
  • Suð fyrir eyrum
    Leitið til læknis
  • Svefnleysi, eirðarleysi
    Leitið til læknis
  • Útbrot, kláði
    Leitið til læknis
  • Þokusýn
    Leitið til læknis
Sjaldgæfar aukaverkanir (<1%):
  • Gula
    Leitið til læknis
  • Hiti, slappleiki, lystarleysi og marblettir
    Leitið strax til læknis
  • Svartar eða blóðugar hægðir, blóð í þvagi
    Leitið strax til læknis
  • Útbrot, kláði, bjúgur og öndunarerfiðleikar
    Leitið strax til læknis

Milliverkanir

Náttúrulyfið ginkgo getur aukið blæðingahættu.

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • grunur leiki á um þungun eða að þú sért með barn á brjósti
  • þú sért með hjartabilun
  • þú sért með lifrar- eða nýrnasjúkdóm
  • þú sért með maga- eða skeifugarnarsár
  • þú sért með ofnæmi fyrir virka efninu eða einhverju hjálparefnanna
  • þú hafir blæðingatilhneigingu
  • þú takir einhver önnur lyf
MeðgangaNokkur hætta er á því að lyfið hafi áhrif á fóstur. Ekki má taka lyfið á síðustu mánuðum meðgöngu.
BrjóstagjöfEkki er vitað hvort lyfið berst í brjóstamjólk.
BörnLyfið er ekki ætlað börnum.
Eldra fólkVenjulegar skammtastærðir.
AksturLyfið getur valdið svima og þreytu og þannig haft áhrif á aksturshæfni. Ekki aka bíl fyrr en reynsla er komin á það hvaða áhrif lyfið hefur.
ÁfengiGetur aukið ertandi áhrif lyfsins á magaslímhúð.
ÍþróttirLeyft við æfingar og í keppni.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.