Dynastat
Bólgueyðandi lyf og gigtarlyf
Lyfseðilsskylt
Verðflokkur 0: Lyfið er ekki niðurgreitt og fellur ekki inn í greiðsluþrepakerfiðVirkt innihaldsefni: ParecoxíbSkráð 1. júní 2002
Dynastat er gigtarlyf sem kallast COX-2 hemill og er það með bólgueyðandi, verkjastillandi og hitalækkandi áhrif. Lyfið er notað í stuttan tíma við verkjum eftir aðgerð. Eins og önnur bólgueyðandi gigtarlyf dregur virka efnið parecoxíb úr myndum prostaglandína í líkamanum, en prostaglandín hafa víðtæk áhrif í líkamanum og stjórna meðal annars bólgumyndum. Parecoxíb er sértækara en eldri lyfin og það dregur ekki eins víða úr myndun prostaglandína eins og þeirra sem verja magaslímhúðina eða þeirra sem stuðla að blóðstorknun. Með sérhæfninni er dregið úr aukaverkunum lyfsins. Bólgueyðandi og verkjastillandi áhrif þess eru sambærileg við eldri lyfin.
Notkun á lyfjum
LyfjaformStungulyf í æð eða vöðva.
Venjulegar skammtastærðirLæknir eða hjúkrunarfræðingur sér um lyfjagjöfina. 40 mg í upphafi. Ef þörf krefur má gefa 20 eða 40 mg á 6-12 klst. fresti að hámarki 80 mg á dag.
Hversu langur tími uns verkun kemur fram7-39 mínútur. Full verkun ætti að vera komin eftir 2 klst.
Verkunartími6-12 klst.
Þörf á að breyta mataræði meðan lyfið er tekiðEngin.
GeymslaGeymist í lokuðum umbúðum við stofuhita þar sem börn hvorki ná til né sjá. Nota skal lyfið strax eftir blöndun.
Ef skammtur gleymistNotaðu lyfið um leið og þú manst eftir því. Ef stutt er til næsta skammts skaltu sleppa þeim sem gleymdist og halda áfram að nota lyfið eins og venjulega. Ekki nota tvo skammta í einu.
Hvernig á að hætta töku lyfsinsEkki hætta notkun lyfsins nema í samráði við lækni.
Ef tekinn er of stór skammturStakir skammtar sem eru litlu stærri en venjulega ættu ekki að skapa vanda. Ef notaðir eru mjög stórir skammtar eða ef vart verður við einhver óvenjuleg einkenni skal hafa samband við lækni.
LangtímanotkunLyfið er notað í stuttan tíma. Takmörkuð reynsla er af notkun lyfsins lengur en í 3 daga.
Aukaverkanir
Algengar aukaverkanir (>1%):
- Æsingur eða svefntruflanirLeitið til læknis
- BakverkirLeitið til læknis
- Bjúgur á útlimumLeitið til læknis
- Hár eða lágur blóðþrýstingurLeitið til læknis
- Kláði í húðLeitið til læknis
- Kviðverkir, meltingartruflanir, uppþemba og vindgangurLeitið til læknis
- Minnkuð þvaglátLeitið til læknis
- TilfinningadoðiLeitið til læknis
- Blóðleysi í kjölfar aðgerðarLeitið strax til læknis
- Bólga og sársauki eftir tanndráttLeitið strax til læknis
- Særindi í hálsi eða öndunarerfiðleikarLeitið strax til læknis
Sjaldgæfar aukaverkanir (<1%):
- GulaLeitið strax til læknis
- Hraður hjartsláttur, hjartsláttartruflanirLeitið strax til læknis
- Svartar eða blóðugar hægðir, blóð í þvagiLeitið strax til læknis
- Bólga í húð, blöðrur í húð eða húðflögnunLeitið strax til læknis
- Útbrot, kláði, bjúgur og öndunarerfiðleikarLeitið strax til læknis
Milliverkanir
Það er í lagi að nota litla skammta af asetýlsalicýlsýru (Hjartamagnýl) með lyfinu.
Nánari upplýsingar
Leitið ráða hjá heilbrigðisstarfsmanni áður en lyfið er notað ef:
- grunur leiki á um þungun eða að þú sért með barn á brjósti
- þú sért með háan blóðþrýsting
- þú sért með hjarta- eða æðasjúkdóm
- þú sért með langvarandi lifrar- eða nýrnasjúkdóm
- þú sért með ofnæmi fyrir virka efninu eða einhverju hjálparefnanna
- þú sért með sykursýki
- þú reykir
- þú takir einhver önnur lyf
- þú sért með sýkingu
- þú hafir verið með magasár, blæðingu eða gat í meltingarvegi
- þú hafir verið með niðurgang, uppköst eða hafir ekki getað drukkið vökva
- þú sért með bjúg
MeðgangaTakmörkuð reynsla er af notkun lyfsins hjá þunguðum konum. Ekki má nota lyfið á síðasta þriðjungi meðgöngu.
BrjóstagjöfEkki er vitað hvort lyfið berst í brjóstamjólk.
BörnLyfið er ekki ætlað börnum yngri en 18 ára.
Eldra fólkVenjulegar skammtastærðir. Ef einstaklingur vegur minna en 50 kg gæti þurft að minnka skammtastærð.
AksturSjúklingar geta fundið fyrir svima eða þreytu. Ekki aka bíl fyrr en reynsla er komin á það hvaða áhrif lyfið hefur.
ÁfengiGetur aukið ertandi áhrif lyfsins á magaslímhúð.
ÍþróttirLeyft við æfingar og í keppni.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.