Naproxen Viatris

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Naproxen Viatris

Opna mína lyfseðla
Bólgueyðandi lyf og gigtarlyf

Lausasölulyf/Lyfseðilsskylt

Verðflokkur G/0: Lyfið er niðurgreitt og fellur inn í greiðsluþrepakerfiðVirkt innihaldsefni: NaproxenSkráð 1. janúar 1991

Naproxen er bólgueyðandi lyf með verkjastillandi og hitalækkandi verkun. Naproxen dregur úr myndun prostaglandínefna í líkamanum, en þau valda m.a. bólgumyndun. Naproxen er notað við iktsýki, slitgigt, hryggikt, þvagsýrugigt, tíðaverkjum og bólgu og verkjum eftir áverka.

Tafla 250 mg Tafla

Notkun á lyfjum

LyfjaformTöflur til inntöku.
Venjulegar skammtastærðirFullorðnir: 250-500 mg í senn 2svar á dag. Börn eldri en 1 árs: 10 mg á hvert kg líkamsþyngdar á dag í 2 skömmtum.
Hversu langur tími uns verkun kemur framVerkjastillandi áhrif koma fram á u.þ.b. 2 klst. Áhrif á þvagsýrugigt koma fram á 1-2 sólarhringum. Áhrif á liðagigt koma fram eftir u.þ.b. tvær vikur.
VerkunartímiU.þ.b. 7 klst.
Þörf á að breyta mataræði meðan lyfið er tekiðEngin.
GeymslaGeymist í lokuðum umbúðum við stofuhita þar sem börn hvorki ná til né sjá.
Ef skammtur gleymistTaktu lyfið um leið og þú manst eftir því. Ef stutt er til næsta skammts skaltu sleppa þeim sem gleymdist og halda áfram að taka lyfið eins og venjulega. Ekki taka tvo skammta í einu.
Hvernig á að hætta töku lyfsinsSjúkdómurinn getur versnað þegar hætt er að taka lyfið. Ekki hætta töku lyfsins nema í samráði við lækni.
Ef tekinn er of stór skammturStakir skammtar sem eru litlu stærri en venjulega ættu ekki að skapa vanda. Ef teknir eru stórir skammtar eða vart verður við einhver óvenjuleg einkenni skaltu hafa samband við lækni.
LangtímanotkunVið langtímanotkun getur lyfið valdið magasári og magablæðingu. Því gæti reynst nauðsynlegt að fara reglulega í eftirlit til læknis sé lyfið notað í langan tíma.

Aukaverkanir

Algengustu aukaverkanir lyfsins eru meltingaróþægindi og ógleði og koma fyrir hjá 10-30% þeirra sem taka lyfið.

Algengar aukaverkanir (>1%):
  • Höfuðverkur, svimi, þreyta
    Leitið til læknis
  • Niðurgangur
    Leitið til læknis
  • Ógleði, kviðverkir, brjóstsviði
    Leitið til læknis
  • Suð fyrir eyrum
    Leitið til læknis
  • Útbrot
    Leitið til læknis
Sjaldgæfar aukaverkanir (<1%):
  • Gula
    Leitið til læknis
  • Hiti, slappleiki, lystarleysi og marblettir
    Leitið strax til læknis
  • Svartar eða blóðugar hægðir, blóð í þvagi
    Leitið strax til læknis
  • Útbrot, kláði, bjúgur og öndunarerfiðleikar
    Leitið strax til læknis

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • grunur leiki á um þungun
  • þú sért með hjartasjúkdóm eða háan blóðþrýsting
  • þú sért með lifrar- eða nýrnasjúkdóm
  • þú sért með maga- eða skeifugarnarsár
  • þú sért með ofnæmi fyrir virka efninu eða einhverju hjálparefnanna
  • þú hafir blæðingartilhneigingu
  • þú takir einhver önnur lyf
MeðgangaNokkur hætta er á því að lyfið hafi áhrif á fóstur. Ekki má taka lyfið á síðustu mánuðum meðgöngu.
BrjóstagjöfLyfið berst í brjóstamjólk en í venjulegum skömmtum er ólíklegt að það hafi áhrif á barnið.
BörnLyfið er ekki ætlað börnum yngri en 1 árs.
Eldra fólkGæta skal varúðar ef stórir skammtar lyfsins eru notaðir.
AksturLyfið getur valdið svima og þreytu og þannig haft áhrif á aksturshæfni. Ekki aka bíl fyrr en reynsla er komin á það hvaða áhrif lyfið hefur.
ÁfengiGetur aukið ertandi áhrif lyfsins á magaslímhúð.
ÍþróttirLeyft við æfingar og í keppni.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.