Toradol

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Toradol

Opna mína lyfseðla
Bólgueyðandi lyf og gigtarlyf

Lyfseðilsskylt

Verðflokkur G: Lyfið er niðurgreitt og fellur inn í greiðsluþrepakerfiðVirkt innihaldsefni: KetórólakSkráð 1. apríl 1992

Toradol er bólgueyðandi lyf sem ekki er steri. Virka efnið ketórólak er verkjastillandi og verkar að mestu leyti á svipaðan hátt og asetýlsalicýlsýra. Verkanir lyfsins byggjast á því að það dregur úr myndun prostaglandína. Lyfið verkar einnig hitalækkandi. Lyfið dregur úr samloðun blóðflagna og getur lengt blæðingartíma. Ketórólak hefur útlæga verkun og binst þar af leiðandi ekki ópíóíð-viðtökum. Verkjastillandi verkun 30 mg af ketórólaki er sambærileg við 12 mg af morfíni, en verkun ketórólaks varir þó allt að helmingi lengur en verkun morfíns.

Notkun á lyfjum

LyfjaformStungulyf í vöðva og æð.
Venjulegar skammtastærðir10-30 mg í senn á 4-6 klst. fresti mest í 5 daga í senn.
Hversu langur tími uns verkun kemur framVerkjastillandi verkun eftir gjöf í æð kemur fram innan 15 mín., en innan 30 mín. eftir gjöf í vöðva og hún nær hámarki eftir 1-2 klst.
Verkunartími4-6 klst.
Þörf á að breyta mataræði meðan lyfið er tekiðEngin.
GeymslaGeymist í lokuðum umbúðum við stofuhita þar sem börn hvorki ná til né sjá.
Ef skammtur gleymistTaktu lyfið um leið og þú manst eftir því. Ef stutt er til næsta skammts skaltu sleppa þeim sem gleymdist og halda áfram að taka lyfið eins og venjulega. Ekki taka tvo skammta í einu.
Hvernig á að hætta töku lyfsinsEkki hætta töku lyfsins nema í samráði við lækni.
Ef tekinn er of stór skammturStakir skammtar sem eru litlu stærri en venjulega ættu ekki að skapa vanda. Ef teknir eru stórir skammtar eða ef vart verður við einhver óvenjuleg einkenni skaltu hafa samband við lækni.
LangtímanotkunKetórólak er ekki ætlað til langtímanotkunar.

Aukaverkanir

Algengar aukaverkanir (>1%):
  • Bjúgur
    Leitið til læknis
  • Höfuðverkur, svimi
    Leitið til læknis
  • Meltingartruflanir
    Leitið til læknis
  • Ógleði, kviðverkir, niðurgangur
    Leitið til læknis
  • Sljóleiki, svitaköst
    Leitið til læknis
  • Verkur á stungustað
    Leitið til læknis
Sjaldgæfar aukaverkanir (<1%):
  • Hiti, slappleiki, lystarleysi og marblettir
    Leitið strax til læknis
  • Öndunarerfiðleikar
    Leitið strax til læknis
  • Svartar eða blóðugar hægðir, blóð í þvagi
    Leitið strax til læknis
  • Þvagtregða, aukin tíðni þvagláta
    Leitið strax til læknis
  • Útbrot, kláði, bjúgur og öndunarerfiðleikar
    Leitið strax til læknis

Milliverkanir

Náttúrulyfið ginkgo getur aukið blæðingahættu.

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • grunur leiki á um þungun eða að þú sért með barn á brjósti
  • þú sért með astma
  • þú sért með blæðingartilhneigingu
  • þú sért með hjartasjúkdóm eða háan blóðþrýsting
  • þú sért með langvarandi lifrar- eða nýrnasjúkdóm
  • þú sért með maga- eða skeifugarnarsár
  • þú sért með magabólgu
  • þú sért með ofnæmi fyrir virka efninu eða einhverju hjálparefnanna
  • þú takir einhver önnur lyf
MeðgangaNokkur hætta er á því að lyfið hafi áhrif á fóstur.
BrjóstagjöfLyfið berst í brjóstamjólk og getur haft áhrif á barnið.
BörnLyfið er ekki ætlað börnum yngri en 16 ára.
Eldra fólkEkki er mælt með stærri dagsskömmtum en 60 mg og ekki lengur en í 2 daga.
AksturLyfið getur valdið svima og sljóleika og þar með haft áhrif á aksturshæfni. Ekki aka bíl fyrr en reynsla er komin á það hvaða áhrif lyfið hefur.
ÁfengiGetur aukið ertandi áhrif lyfsins á magaslímhúð.
ÍþróttirLeyft við æfingar og í keppni.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.