SEM mixtúra

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

SEM mixtúra

Opna mína lyfseðla
Hósta- og kveflyf

Lyfseðilsskylt

Verðflokkur 0: Lyfið er ekki niðurgreitt og fellur ekki inn í greiðsluþrepakerfiðVirkt innihaldsefni: Ammóníumklóríð, Dífenhýdramín, Kódein, LakkrísSkráð 1. apríl 2014

SEM er forskriftarlyf lækna. Það þýðir að ekki eru gerðar sömu kröfur um merkingu, klínískar rannsóknir eða fylgiseðil eins og til skráðra lyfja. Því eru engar upplýsingar um lyfið í Sérlyfjaskrá. SEM er skammstöfun það er fyrsti stafurinn úr heiti á gömlum mixtúrum sem var blandað saman í jöfnum hlutföllum. Mixtúrurnar hétu Syrupus codeicus fortior, Elexir diphenhydramini og Mixtura salina dulcis. SEM inniheldur virku efnin kódein, dífenhýdramín, ammoníumklóríð og lakkrísextract. Innihaldsefnin eru þekkt fyrir hóstastillandi áhrif og væg slímlosandi áhrif. Mixtúran inniheldur 2,53 mg/ml af kódeinfosfathemihýdrat. Áfengisinnihald er 20 mg/ml.

Notkun á lyfjum

LyfjaformMixtúra til inntöku.
Venjulegar skammtastærðirEkki ætti að þurfa meira en 5-10 ml í senn og ekki oftar en 3-4 sinnum á dag.
Hversu langur tími uns verkun kemur fram15-60 mín.
Verkunartími4-6 klst.
Þörf á að breyta mataræði meðan lyfið er tekiðEngin.
GeymslaGeymist í lokuðum umbúðum við í kæli við 2-8 °C þar sem börn hvorki ná til né sjá.
Ef skammtur gleymistLyfið er ekki tekið reglulega.
Hvernig á að hætta töku lyfsinsHætta má töku lyfsins þegar einkenni eru ekki lengur til staðar.
Ef tekinn er of stór skammturStakir skammtar sem eru litlu stærri en venjulega ættu ekki að skapa vanda. Ef teknir eru stórir skammtar eða ef vart verður við einhver óvenjuleg einkenni skal hafa samband við lækni eða eitrunardeild landspítala í síma 543 2222.
LangtímanotkunLyfið er ekki ætlað til langtímanotkunar.

Aukaverkanir

Lyfið hefur ekki verið rannsakað með tilliti til aukaverkana. Leitaðu strax til læknis ef vart verður aukaverkana. Hætta á ávanamyndun er fyrir hendi og hafa verður þá hættu í huga. Þeir sem eru með gallsteina eða hafa gengist undir aðgerð vegna þeirra geta fundið fyrir gallrásarkrömpum. Eftirfarandi aukaverkanir eru taldar hugsanlegar en listinn er ekki tæmandi.

Algengar aukaverkanir (>1%):
  • Hægðatregða
    Hætta notkun
Sjaldgæfar aukaverkanir (<1%):
  • Hraður hjartsláttur, hjartsláttarónot
    Leitið strax til læknis
  • Krampar
    Leitið strax til læknis
  • Skapgerðarbreytingar, rugl, svefntruflanir
    Leitið strax til læknis
  • Þvagtregða
    Leitið strax til læknis
  • Útbrot, kláði, bjúgur og öndunarerfiðleikar
    Leitið strax til læknis

Milliverkanir

Dífenhýdramín og kódein geta aukið verkun róandi lyfja, svefnlyfja og alkóhóls.

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • grunur leiki á um þungun eða að þú sért með barn á brjósti
  • þú sért með astma
  • þú sért með gláku
  • þú sért með ofnæmi fyrir virka efninu eða einhverju hjálparefnanna
  • þú sért með þvagtregðu
  • þú takir einhver önnur lyf
  • þú sért með hægðatregðu
  • þú hafir fengið gallsteina
MeðgangaEkki ætti að nota lyfið á meðgöngu.
BrjóstagjöfEkki ætti nota lyfið samhliða með brjóstagjöf.
BörnLyfið er ekki ætlað börnum.
Eldra fólkVenjulegar skammtastærðir. Eldra fólk getur þó verið viðkvæmara fyrir sljóvgandi áhrifum lyfsins og hægðatregða er algeng hjá öldruðum.
AksturLyfið hefur róandi áhrif og getur skert aksturshæfni. Ekki má aka bíl á meðan lyfið er notað.
ÁfengiLyfið eykur verkun áfengis. Ekki neyta áfengis meðan lyfið er tekið.
ÍþróttirInniheldur alkóhól. Notkun lyfsins er bönnuð í sumum íþróttagreinum.
FíknarvandamálMixtúran inniheldur kódein og áfengi
AnnaðSEM er forskriftarlyf lækna og því eru engar upplýsingar um lyfið í Sérlyfjaskrá.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.