Mianserin Viatris (áður Mianserin Mylan)

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Mianserin Viatris (áður Mianserin Mylan)

Opna mína lyfseðla
Geðdeyfðarlyf

Lyfseðilsskylt

Verðflokkur G: Lyfið er niðurgreitt og fellur inn í greiðsluþrepakerfiðVirkt innihaldsefni: Míanserín

Míanserín er geðdeyfðarlyf. Verkunarmáti þess og efnafræði eru ólík öðrum geðdeyfðarlyfjum. Verkun þess er ekki að fullu þekkt en það hefur áhrif á virkni nokkurra taugaboðefna í heila. Míanserín hefur sambærileg áhrif á einkenni geðdeyfðar og önnur geðdeyfðarlyf, það bætir skap og matarlyst, eykur líkamlega virkni og áhuga á daglegu lífi. Þessi áhrif koma aðeins fram hjá sjúklingum með geðdeyfð en sjást ekki ef heilbrigðir taka lyfið. Auk þessara áhrifa virkar míanserín róandi og kvíðastillandi og hentar því vel ef kvíði eða svefntruflanir tengjast geðdeyfð.

Tafla 10 mg Tafla

Notkun á lyfjum

LyfjaformTöflur til inntöku.
Venjulegar skammtastærðir30-90 mg á dag. Töflurnar gleypist heilar.
Hversu langur tími uns verkun kemur fram1-14 dagar.
Þörf á að breyta mataræði meðan lyfið er tekiðEngin.
GeymslaGeymist í lokuðum umbúðum við stofuhita þar sem börn hvorki ná til né sjá.
Ef skammtur gleymistTaktu lyfið um leið og þú manst eftir því. Ef stutt er til næsta skammts skaltu sleppa þeim sem gleymdist og halda áfram að taka lyfið eins og venjulega. Ekki taka tvo skammta í einu.
Hvernig á að hætta töku lyfsinsSjúkdómseinkenni geta aftur komið fram þegar töku lyfsins er hætt. Ekki hætta töku lyfsins nema í samráði við lækni.
Ef tekinn er of stór skammturStakir skammtar sem eru litlu stærri en venjulega ættu ekki að skapa vanda. Ef teknir eru stórir skammtar eða ef vart verður við einhver óvenjuleg einkenni skal hafa samband við lækni.
LangtímanotkunMíanserín getur bælt beinmerg og haft áhrif á lifrarstarfsemi þegar það er tekið lengi. Fylgjast þarf reglulega með blóði og lifrarstarfsemi.

Aukaverkanir

Algengar aukaverkanir (>1%):
  • Sljóleiki
    Leitið til læknis
Sjaldgæfar aukaverkanir (<1%):
  • Bjúgur
    Leitið til læknis
  • Gula
    Leitið til læknis
  • Krampar
    Leitið strax til læknis

Milliverkanir

Míanserín getur aukið áhrif allra lyfja sem virka sljóvgandi á miðtaugakerfið.

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • grunur leiki á um þungun
  • þú sért með hjarta- eða æðasjúkdóm
  • þú sért með langvarandi lifrar- eða nýrnasjúkdóm
  • þú sért með ofnæmi fyrir virka efninu eða einhverju hjálparefnanna
  • þú sért með sykursýki
  • þú hafir fengið krampa eða sért með flogaveiki
  • þú takir einhver önnur lyf
MeðgangaNokkur hætta er á því að lyfið hafi áhrif á fóstur.
BrjóstagjöfLyfið berst í brjóstamjólk en í venjulegum skömmtum er ólíklegt að það hafi áhrif á barnið.
BörnLyfið er ekki ætlað börnum.
Eldra fólkAukin hætta er á aukaverkunum, minni skammtar eru notaðir.
AksturLyfið getur virkað sljóvgandi og dregið úr viðbragðsflýti. Ekki aka bíl fyrr en reynsla er komin á það hvaða áhrif lyfið hefur.
ÁfengiGetur aukið sljóvgandi áhrif lyfsins. Almennt er mælt gegn því að neyta áfengis samhliða meðferð með geðdeyfðarlyfjum.
ÍþróttirLeyft við æfingar og í keppni.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.