Dostinex

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Dostinex

Opna mína lyfseðla
Kvensjúkdómalyf

Lyfseðilsskylt

Verðflokkur G: Lyfið er niðurgreitt og fellur inn í greiðsluþrepakerfiðVirkt innihaldsefni: KabergólínSkráð 1. júlí 1993

Kabergólín, virka efnið í Dostinex, líkist taugaboðefninu dópamíni og hefur að hluta til sömu áhrif og það. Dópamín og kabergólín hamla framleiðslu prólaktíns, hormóns sem örvar mjólkurmyndun í brjóstum. Kabergólín er því notað við of mikilli mjólkurmyndun hjá konum eftir fæðingu. Líka við ófrjósemi sem stafar af of miklu magni prólaktíns í blóði. Kabergólín er einnig notað fyrir sjúklinga með æxli í heiladingli ef æxlið veldur offramleiðslu vaxtar- eða mjólkurhormóna. Kabergólín verkar í lengri tíma en önnur lyf sem eru notuð í sama tilgangi og virðist þolast betur í sumum tilfellum.

Tafla 0,5 mg Tafla

Notkun á lyfjum

LyfjaformTöflur til inntöku.
Venjulegar skammtastærðirTil að draga úr mjólkurmyndun eftir fæðingu: 1 mg í einum skammti innan sólarhrings frá fæðingu; til að stöðva mjólkurmyndun: 0,25 mg í senn 2svar á dag í 2 daga; við of mikilli mjólkurmyndun: 0,5-1 mg á viku, skipt í 1-2 skammta. Stærri skammtar eru þó stundum notaðir. Töflurnar takist inn með mat.
Hversu langur tími uns verkun kemur framDregið úr of mikilli mjólkurmyndun: 3 klst. (tíðablæðingar hefjast eftir um 1 mánuð).
Verkunartími1-2 vikur.
Þörf á að breyta mataræði meðan lyfið er tekiðEngin.
GeymslaGeymist í lokuðum umbúðum við stofuhita þar sem börn hvorki ná til né sjá.
Ef skammtur gleymistTaktu lyfið um leið og þú manst eftir því. Ef stutt er til næsta skammts skaltu sleppa þeim sem gleymdist og halda áfram að taka lyfið eins og venjulega. Ekki taka tvo skammta í einu.
Hvernig á að hætta töku lyfsinsEf lyfið er tekið að staðaldri skaltu ekki hætta töku þess nema í samráði við lækni.
Ef tekinn er of stór skammturStakir skammtar sem eru litlu stærri en venjulega ættu ekki að valda óþægindum. Ef teknir eru stórir skammtar eða ef vart verður við einhver óvenjuleg einkenni skal hafa samband við lækni
LangtímanotkunTíðni aukaverkana eykst þegar lyfið er notað í lengri tíma.

Aukaverkanir

Aukaverkanir lyfsins eru tíðari eftir því sem skammtar eru stærri og meðferðartími er lengri. Hægt er að draga úr aukaverkunum með því að byrja á litlum skömmtum sem eru síðan auknir smám saman.

Algengar aukaverkanir (>1%):
  • Geðdeyfð
    Leitið til læknis
  • Hiti
    Leitið til læknis
  • Höfuðverkur, svimi, þreyta
    Leitið til læknis
  • Kviðverkir, meltingartruflanir, hægðatregða
    Leitið til læknis
  • Lágur blóðþrýstingur
    Leitið til læknis
  • Náladofi
    Leitið til læknis
  • Ógleði og uppköst
    Leitið til læknis
Sjaldgæfar aukaverkanir (<1%):
  • Hjartsláttarónot
    Leitið til læknis
  • Yfirlið
    Leitið til læknis

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • grunur leiki á um þungun eða að þú sért með barn á brjósti
  • þú hafir átt við einhver geðræn vandamál að stríða
  • þú sért með háan blóðþrýsting, hjarta- eða æðasjúkdóm
  • þú sért með langvarandi lifrar- eða nýrnasjúkdóm
  • þú sért með magasár
  • þú sért með ofnæmi fyrir virka efninu eða einhverju hjálparefnanna
  • þú takir einhver önnur lyf
MeðgangaTakmörkuð reynsla er af notkun lyfsins hjá þunguðum konum.
BrjóstagjöfEkki er vitað hvort lyfið berst í brjóstamjólk. Lyfið hemur mjólkurmyndun.
BörnLyfið er ekki ætlað börnum.
Eldra fólkLyfið er venjulega ekki notað.
AksturLyfið getur valdið svima. Ekki aka bíl fyrr en reynsla er komin á það hvaða áhrif lyfið hefur.
ÁfengiÍ litlum skömmtum hefur áfengi ekki áhrif á verkun lyfsins.
ÍþróttirLeyft við æfingar og í keppni.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.