Benylan

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Benylan

Opna mína lyfseðla
Ofnæmislyf

Lausasölulyf/Lyfseðilsskylt

Verðflokkur 0: Lyfið er ekki niðurgreitt og fellur ekki inn í greiðsluþrepakerfiðVirkt innihaldsefni: DífenhýdramínSkráð 1. maí 1999

Benylan inniheldur virka efnið dífenhýdramín. Lyfið er fyrst og fremst notað við hósta, en það slær líka á ofnæmiseinkenni auk þess að draga úr ógleði og ferðaveiki.

Notkun á lyfjum

LyfjaformMixtúra til inntöku.
Venjulegar skammtastærðir <b> Mixtúra 1,4 mg/ml: </b> Fullorðnir: 20 ml í senn 3-5 sinnum á dag. Börn 6-15 ára: 10 ml í senn 3-5 sinnum á dag. Börn 2-5 ára: 5 ml í senn 3-5 sinnum á dag. <b> Mixtúra 2,8 mg/ml;</b> Fullorðnir: 10 ml 3-5 sinnum á sólarhring. Börn 6–15ára: 5 ml mest 3-5 sinnum á sólarhring. Börn 2–5 ára; 2,5 ml mest 3-5 sinnum á sólarhring.
Hversu langur tími uns verkun kemur fram15-60 mín.
Verkunartími4-6 klst.
Þörf á að breyta mataræði meðan lyfið er tekiðEngin.
GeymslaGeymist í lokuðum umbúðum við stofuhita þar sem börn hvorki ná til né sjá.
Ef skammtur gleymistLyfið er ekki tekið reglulega heldur eftir þörfum, mest 3-5 sinnum á dag.
Hvernig á að hætta töku lyfsinsHætta má töku lyfsins þegar einkenni eru ekki lengur til staðar.
Ef tekinn er of stór skammturStakir skammtar sem eru litlu stærri en venjulega ættu ekki að skapa vanda. Ef teknir eru stórir skammtar eða ef vart verður við einhver óvenjuleg einkenni skal hafa samband við lækni.
LangtímanotkunLyfið er ekki ætlað til langtímanotkunar.

Aukaverkanir

Eins og almennt gildir um lausasölulyf eru aukaverkanir sjaldgæfar þegar farið er eftir reglum um notkun og venjulegar skammtastærðir eru notaðar.

Sjaldgæfar aukaverkanir (<1%):
  • Hraður hjartsláttur, hjartsláttarónot
    Leitið strax til læknis
  • Krampar
    Leitið strax til læknis
  • Skapgerðarbreytingar, rugl, svefntruflanir
    Leitið strax til læknis
  • Þvagtregða
    Leitið strax til læknis
  • Útbrot, kláði, bjúgur og öndunarerfiðleikar
    Leitið strax til læknis

Milliverkanir

Dífenhýdramín eykur verkun róandi lyfja, svefnlyfja og alkóhóls.

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • grunur leiki á um þungun eða að þú sért með barn á brjósti
  • þú sért með astma
  • þú sért með gláku
  • þú sért með ofnæmi fyrir virka efninu eða einhverju hjálparefnanna
  • þú sért með þvagtregðu
  • þú takir einhver önnur lyf
MeðgangaEkki nota lyfið nema samkvæmt læknisráði.
BrjóstagjöfBenylan berst í brjóstamjólk. Lyfið má ekki nota með barn á brjósti.
BörnLyfið er ekki ætlað börnum yngri en 2ja ára. Lyfið á ekki að gefa börnum yngri en 4 ára sem hóstastillandi lyf.
Eldra fólkVenjulegar skammtastærðir. Eldra fólk getur þó verið viðkvæmara fyrir sljóvgandi áhrifum lyfsins.
AksturLyfið hefur róandi áhrif og getur skert aksturshæfni. Ekki aka bíl fyrr en reynsla er komin á það hvaða áhrif lyfið hefur.
ÁfengiLyfið eykur verkun áfengis. Ekki neyta áfengis meðan lyfið er tekið.
ÍþróttirInniheldur alkóhól. Notkun lyfsins er bönnuð í sumum íþróttagreinum.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.