Midodrin Evolan

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Midodrin Evolan

Opna mína lyfseðla
Hjartasjúkdómalyf

Lyfseðilsskylt

Verðflokkur G: Lyfið er niðurgreitt og fellur inn í greiðsluþrepakerfiðVirkt innihaldsefni: MidodrinSkráð 1. maí 2018

Midodrin Evolan inniheldur efnið midodrin sem er forefni virka efnisins desglymidodrins. Lyfið hefur æðaþrengjandi áhrif í bláæðakerfinu sem veldur hækkun á blóðþrýstingi. Lyfið er notað við alvarlegum tegundum af lágum blóðþrýstingi hjá fullorðnum þegar önnur meðferðarúrræði hafa ekki dugað. Helstu einkenni lágþrýstingi eru t.d. svimi eða yfirlið en önnur einkenni geta verið erfiðleikar við að einbeita sér, andstuttur, ógleði, húð verður köld og þvöl, þreyta, þunglyndi og þorsti. Of lár blóðþrýstingur getur valdið því að mikilvæg líffæri, eins og heilinn, fái ekki nóg súrefni og næringarefni sem getur leitt til lífshættulegs losts.

Notkun á lyfjum

LyfjaformTöflur til inntöku
Venjulegar skammtastærðirUpphafsskammtur er 2,5 mg 3svar á dag. Skammtinn má auka vikulega í allt að 10 mg 3svar á dag. Síðasti skammtur dagsins skal taka að minnsta kosti 4 klst fyrir háttatíma.
Hversu langur tími uns verkun kemur framInnan 1 klst.
Verkunartími8-12 klst.
Þörf á að breyta mataræði meðan lyfið er tekiðEngin.
GeymslaGeymið lyfið við lægri hita en 25°C þar sem börn hvorki ná til né sjá.
Ef skammtur gleymistSlepptu þeim skammti sem gleymdist og taktu næsta skammt eins og venjulega. Ekki taka tvo skammta í einu.
Hvernig á að hætta töku lyfsinsSjúkdómurinn getur versnað þegar hætt er að taka lyfið. Ekki hætta töku lyfsins nema í samráði við lækni.
Ef tekinn er of stór skammturStakir skammtar sem eru litlu stærri en venjulega ættu ekki að skapa vanda. Ef of stór skammtur af lyfinu hefur verið notaður, eða ef barn hefur í ógáti tekið inn lyfið skal hafa samband við lækni, sjúkrahús eða eitrunarmiðstöð (sími 543 2222). Einkenni eins og hár blóðþrýstingur, hjartsláttarónot, mæði, brjóstverkur, höfuðverkur, hægur hjartsláttur, erfiðleikar við þvaglát og gæsahúð getur komið fram.
LangtímanotkunEkki að fullu þekkt en meðferð er yfirleitt til lengri tíma.

Aukaverkanir

Algengustu aukaverkanirnar sem geta komið fram með notkun lyfsins er gæsahúð, kláði í hársverði og þvagtregða.

Algengar aukaverkanir (>1%):
  • Gæsahúð
    Leitið til læknis
  • Háþrýstingur í liggjandi stöðu
    Leitið til læknis
  • Höfuðverkur
    Leitið til læknis
  • kláði í hársverði
    Leitið til læknis
  • Náladofi
    Leitið til læknis
  • Þvagtregða
    Leitið til læknis
Sjaldgæfar aukaverkanir (<1%):
  • Eirðarleysi, svefntruflanir
    Leitið til læknis
  • Hraður hjartsláttur, hjartsláttarónot
    Leitið til læknis
  • Uppköst, kviðverkir
    Leitið til læknis
  • Útbrot, kláði, bjúgur og öndunarerfiðleikar
    Leitið strax til læknis

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • hvort þú sért með gláku
  • grunur leiki á um þungun eða að þú sért með barn á brjósti
  • þú hafir átt í erfiðleikum með þvaglát
  • þú sért með aðra hjarta- eða æðasjúkdóma
  • þú sért með háan blóðþrýsting
  • þú sért með lifrar- eða nýrnasjúkdóm
  • þú sért með ofnæmi fyrir virka efninu eða einhverju hjálparefnanna
  • þú sért með ofvirkan skjaldkirtil
  • þú sért með stækkaðan blöðruhálskirtil
  • þú takir einhver önnur lyf
  • þú sért með hægan púls
  • þú sért með skerta sjón
  • þú sért með æðakölkun
MeðgangaEkki er ráðlagt að taka inn lyfið á meðgöngu.
BrjóstagjöfEkki nota lyfið meðan á brjóstagjöf stendur. Ekki er vitað hvort lyfið berst í brjóstamjólk.
BörnLyfið er ekki ætlað börnum undir 18 ára aldri.
Eldra fólkTakmörkuð reynsla við notkun hjá eldra fólki.
AksturLyfið hefur ekki áhrif á hæfni til aksturs. Ef sjúklingur finnur hins vegar fyrir svima eða sundli skal hann ekki aka biðreið.
ÁfengiÆskilegt er að halda áfengisneyslu í lágmarki á meðan lyfið er tekið.
ÍþróttirLeyft við æfingar og í keppni.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.