Alutard SQ, hundahar

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Alutard SQ, hundahar

Opna mína lyfseðla
Ofnæmisvakar

Lyfseðilsskylt

Verðflokkur G: Lyfið er niðurgreitt og fellur inn í greiðsluþrepakerfiðVirkt innihaldsefni: Ofnæmisvaka extraktSkráð 1. júlí 1999

Þegar ofnæmisvaldur berst til líkamans með snertingu fer af stað flókið ferli í líkamanum með ofnæmisviðbrögðum og tilheyrandi ofnæmiseinkennum. Fyrir þá sem eru haldnir miklu ofnæmi, orsakavaldurinn er þekktur og ofnæmið háir verulega viðkomandi, er ákveðin meðferð reynd sem kallast afnæmingarmeðferð. Alutard SQ, hundahar inniheldur hreinsuð ofnæmisvaka extrökt sem eru notuð við meðferð á hundahára ofnæmi. Meðferðin felst í því að gefa ofnæmisvakann með vissu millibili yfir ákveðið tímabil, í nokkur ár, í von um að líkaminn aðlagist og hætti að sýna viðbrögð við ofnæmisvakanum. Afnæmingarmeðferðin á alltaf að vera í höndum sérfræðinga í ofnæmis- og ónæmislækningum, enda er ekki farið út í hana nema brýna nauðsyn beri til.

Notkun á lyfjum

LyfjaformStungulyf undir húð.
Venjulegar skammtastærðirMeðferðin er í höndum sérfræðinga í ofnæmis- og ónæmislækningum sem ákveða skammtastærðir.
Hversu langur tími uns verkun kemur framEinstaklingsbundið.
VerkunartímiEinstaklingsbundinn.
Þörf á að breyta mataræði meðan lyfið er tekiðForðast skal þungar máltíðir á innspýtingardegi.
GeymslaGeymist á köldum stað (2-8°C) í upprunalegum umbúðum þar sem börn hvorki ná til né sjá. Geymsluþol lyfsins eftir opnun er 6 mánuðir. Lyfið má ekki frjósa.
Ef skammtur gleymistÁ ekki við.
Hvernig á að hætta töku lyfsinsEkki hætta töku lyfsins nema í samráði við lækni.
Ef tekinn er of stór skammturÁ ekki við.
LangtímanotkunVirkni lyfsins byggist á langtímanotkun.

Aukaverkanir

Fyrstu aukaverkanirnar geta komið fram á fyrstu 30 mín. Aukaverkanirnar geta verið að koma fram í allt að 24 tíma eftir innspýtingu. Aukaverkanirnar tengjast yfirleitt virkni lyfsins þar sem verið er að virkja vissa þætti ónæmiskerfisins.

Algengar aukaverkanir (>1%):
  • Bólga í húð
    Leitið til læknis
  • Hnúðar undir húð á stungustað
    Leitið til læknis
  • Þreyta
    Leitið til læknis
  • Þroti, roði og kláði á stungustað
    Leitið til læknis
  • Mikill kláði í húð
    Leitið strax til læknis
  • Soghljóð við öndun, þrengsli fyrir brjósti
    Leitið strax til læknis
Sjaldgæfar aukaverkanir (<1%):
  • Kláði í lófum og iljum
    Leitið strax til læknis
  • Útbrot, kláði, bjúgur og öndunarerfiðleikar
    Leitið strax til læknis

Milliverkanir

Samtímis notkun lyfja við ofnæmi geta haft áhrif á þol sjúklingsins. Aðra ofnæmisvaka, t.d. stífkrampa, ætti ekki að gefa fyrr en minnst viku eftir gjöf Alutard SQ nema brýna nauðsyn beri til.

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • grunur leiki á um þungun eða að þú sért með barn á brjósti
  • þú sért með hjartasjúkdóm
  • þú sért með lungnasjúkdóm
  • þú sért með nýrnasjúkdóm
  • þú sért með ofnæmi fyrir virka efninu eða einhverju hjálparefnanna
  • þú takir einhver önnur lyf
  • þú hafir gleymt að taka inn ofnæmislyf
  • þú sért með hita eða sýkingu
MeðgangaEkki má hefja meðferð á meðgöngu. Ef þungun á sér stað á meðan meðferð stendur þá má halda henni áfram.
BrjóstagjöfEkki er vitað hvort lyfið berst í brjóstamjólk.
BörnVenjulegar skammtastærðir.
Eldra fólkVenjulegar skammtastærðir.
AksturLyfið getur valdið þreytu. Ekki aka bíl fyrr en reynsla er komin á það hvaða áhrif lyfið hefur.
ÁfengiForðast skal neyslu áfengis á innspýtingardegi.
ÍþróttirLeyft við æfingar og í keppni.
AnnaðForðast skal erfiðar æfingar og heita sturtu á innspýtingardegi.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.