Grazax

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Grazax

Opna mína lyfseðla
Ofnæmisvakar

Lyfseðilsskylt

Verðflokkur 0: Lyfið er ekki niðurgreitt og fellur ekki inn í greiðsluþrepakerfiðVirkt innihaldsefni: Ofnæmisvaka extrakt

Þegar ofnæmisvaldur berst til líkamans með snertingu fer af stað flókið ferli í líkamanum með ofnæmisviðbrögðum og tilheyrandi ofnæmiseinkennum. Fyrir þá sem eru haldnir miklu ofnæmi, orsakavaldurinn er þekktur og ofnæmið háir verulega viðkomandi, er ákveðin meðferð reynd sem kallast afnæmingarmeðferð. Grazax inniheldur hreinsuð ofnæmisvaka extrökt sem eru notuð við slíka meðferð. Meðferðin felst í því að gefa ofnæmisvakann reglulega í nokkur ár, í von um að líkaminn aðlagist og hætti að sýna viðbrögð við ofnæmisvakanum. Grazax er notað við frjókornaofnæmi.

Tafla 75 SQ-T Tungurótartafla

Notkun á lyfjum

LyfjaformFrostþurrkaðar töflur til inntöku.
Venjulegar skammtastærðirEin tafla (75.000 SQ-T) á dag, undir tungu. Forðast skal að kyngja í 1 mín. og neyta matar og drykkjar í 5 mín. frá inntöku.
Hversu langur tími uns verkun kemur framEinstaklingsbundið en meðferð skal hefja a.m.k. 4 mánuðum fyrir væntanlegt grasfrjókornatímabil.
VerkunartímiEinstaklingsbundinn.
Þörf á að breyta mataræði meðan lyfið er tekiðEngin.
GeymslaGeymist í lokuðum upprunalegum umbúðum við stofuhita þar sem börn hvorki ná til né sjá.
Ef skammtur gleymistTaktu lyfið um leið og þú manst eftir því. Ef stutt er til næsta skammts skaltu sleppa þeim sem gleymdist og halda áfram að taka lyfið eins og venjulega. Ekki taka tvo skammta í einu.
Hvernig á að hætta töku lyfsinsEkki hætta töku lyfsins nema í samráði við lækni.
Ef tekinn er of stór skammturStakir skammtar sem eru litlu stærri en venjulega ættu ekki að skapa vanda. Ef teknir eru stórir skammtar eða ef vart verður við óvenjuleg einkenni skal hafa samband við lækni.
LangtímanotkunMælt er með samfelldri meðferð í nokkur ár. Ef enginn árangur næst á fyrsta frjókornatímabilinu er ástæðulaust að halda meðferð áfram.

Aukaverkanir

Algengar aukaverkanir (>1%):
  • Augnkláði, tárubólga
    Leitið til læknis
  • Erting og einkenni í munni, nefi og hálsi
    Leitið til læknis
  • Höfuðverkur, þreyta
    Leitið til læknis
  • Kláði í eyra og húð, dofi í munni
    Leitið til læknis
  • Meltingartruflanir, ógleði
    Leitið til læknis
  • Bólga og þrengsli í munni og hálsi
    Leitið strax til læknis
Sjaldgæfar aukaverkanir (<1%):
  • Hjartsláttarónot
    Leitið til læknis
  • Sýking í öndunarvegi
    Leitið til læknis
  • Útbrot, kláði, bjúgur og öndunarerfiðleikar
    Leitið strax til læknis

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • grunur leiki á um þungun eða að þú sért með barn á brjósti
  • þú sért með astma
  • þú sért með ofnæmi fyrir einhverjum lyfjum
  • þú takir einhver önnur lyf
  • þú sért með sjálfsnæmissjúkdóm
  • þú sért með bólgu, sár eða sýkingu í munnholi
  • þú sért með illkynja sjúkdóm
MeðgangaEngar upplýsingar eru um notkun lyfsins hjá þunguðum konum. Meðferð skal ekki að hefja á meðgöngu.
BrjóstagjöfEngar upplýsingar eru um notkun lyfsins samhliða brjóstagjöf. Ekki er gert ráð fyrir áhrifum á ungbarn á brjósti.
BörnLyfið er ekki ætlað börnum yngri en 5 ára.
Eldra fólkNotkun lyfsins hefur ekki verið rannsökuð hjá sjúklingum eldri en 65 ára.
AksturLyfið hefur engin eða óveruleg áhrif á hæfni til aksturs.
ÁfengiHófleg neysla áfengis ætti ekki að hafa veruleg áhrif á verkun lyfs.
ÍþróttirLeyft við æfingar og í keppni.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.