Hydromed

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Hydromed

Opna mína lyfseðla
Þvagræsilyf

Lyfseðilsskylt

Verðflokkur G: Lyfið er niðurgreitt og fellur inn í greiðsluþrepakerfiðVirkt innihaldsefni: HýdróklórtíazíðSkráð 1. júní 2013

Hýdróklórtíazíð, virka efnið í Hydromed, hefur blóðþrýstingslækkandi verkun. Það eykur einnig þvagmyndun í nýrum og losar líkamann við vökva. Samfara aukinni vatnslosun eykur hýdróklórtíazíð útskilnað margra salta, aðallega kalíums. Við þetta getur jafnvægi salta í líkamanum raskast og er hýdróklórtíazíð því oft gefið með kalíumi eða í samsetningum með öðrum efnum sem vega þessi áhrif upp. Dehydratin neo er notað við bjúgi vegna hjartabilunar eða af öðrum orsökum. Það er líka notað við of háum blóðþrýstingi, til að draga úr þvagmyndun hjá sjúklingum með flóðmigu (diabetes insipidus).

Tafla 12,5 mg Tafla

Notkun á lyfjum

LyfjaformTöflur til inntöku.
Venjulegar skammtastærðirFullorðnir: 12,5-100 mg á dag. Börn: 1-2 mg á hvert kg líkamsþyngdar á dag, að hámarki 37,5 mg á dag fyrir börn yngri en 2ja ára og 100 mg á dag fyrir börn 2-12 ára. Töflurnar gleypist heilar með mat og vökva.
Hversu langur tími uns verkun kemur framInnan við 2 klst.
Verkunartími6-12 klst.
Þörf á að breyta mataræði meðan lyfið er tekiðÞar sem lyfið veldur kalíumtapi er ráðlegt að neyta grænmetis og ávaxta sem innihalda mikið af kalíumi.
GeymslaGeymist í lokuðum umbúðum við stofuhita þar sem börn hvorki ná til né sjá. Geymist á dimmum stað.
Ef skammtur gleymistEkki er ástæða til að hafa áhyggjur þótt einn skammtur gleymist. Best er að taka skammtinn þegar munað er eftir honum en óæskilegt er að taka lyfið að kvöldi þar sem það getur kallað á tíð þvaglát um nóttina. Ekki taka tvo skammta í einu.
Hvernig á að hætta töku lyfsinsEinkenni sjúkdóms geta aftur komið fram þegar töku lyfsins er hætt. Ekki hætta töku lyfsins nema í samráði við lækni. Minnka skal skammta smám saman.
Ef tekinn er of stór skammturStakir skammtar sem eru litlu stærri en venjulega ættu ekki að skapa vanda. Ef teknir eru mjög stórir skammtar eða vart verður við óvenjuleg einkenni skal hafa samband við lækni.
LangtímanotkunYfirleitt án vandkvæða. Æskilegt er að fylgst sé reglulega með nýrnastarfsemi og jafnvægi salta í líkamanum.

Aukaverkanir

Helsta aukaverkun hýdróklórtíazíðs er kalíumtap og flestar aðrar aukaverkanir stafa af kalíumtapi. Hægt er að fyrirbyggja þetta að mestu leyti með inntöku kalíums samtímis því sem lyfið er tekið. Algengustu aukaverkanir lyfsins eru höfuðverkur, svimi og þreyta.

Algengar aukaverkanir (>1%):
  • Kviðverkir
    Leitið til læknis
  • Lystarleysi
    Leitið til læknis
  • Máttleysi, lasleiki
    Leitið til læknis
  • Munnþurrkur
    Leitið til læknis
  • Skert kynhvöt
    Leitið til læknis
  • Skert viðbragð
    Leitið til læknis
  • Svimi, þreyta
    Leitið til læknis
  • Tíð þvaglát, næturmiga
    Leitið til læknis
  • Útbrot, kláði
    Leitið til læknis
  • Þunglyndi
    Leitið til læknis
  • Hiti, slappleiki, lystarleysi og marblettir
    Leitið strax til læknis
Sjaldgæfar aukaverkanir (<1%):
  • Gula
    Leitið til læknis
  • Útbrot, kláði, bjúgur og öndunarerfiðleikar
    Leitið strax til læknis

Milliverkanir

Tíazíð þvagræsilyf geta skert glúkósaþol og því getur þurft að aðlaga skammta sykursýkilyfja, þ.m.t. insúlíns. Samtímis notkun náttúrulyfsins gingko getur valdið hærri blóðþrýstingi.

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • grunur leiki á um þungun eða að þú sért með barn á brjósti
  • þú sért með langvarandi lifrar- eða nýrnasjúkdóm
  • þú sért með ofnæmi fyrir einhverjum lyfjum
  • þú sért með rauða úlfa (lupus)
  • þú sért með sykursýki
  • þú hafir fengið þvagsýrugigt
  • þú takir einhver önnur lyf
MeðgangaNokkur hætta er á því að lyfið hafi áhrif á fóstur.
BrjóstagjöfLyfið berst í brjóstamjólk og getur haft áhrif á barnið.
BörnSkammtar eru háðir líkamsþyngd og aldri.
Eldra fólkAuknar líkur eru á aukaverkunum, minni skammtar eru oft notaðir.
AksturLyfið getur valdið svima og skert viðbragð og þar með haft áhrif á aksturshæfni. Ekki aka bíl fyrr en reynsla er komin á það hvaða áhrif lyfið hefur.
ÁfengiVeldur einnig auknum vökvaútskilnaði og því eru meiri líkur á vökvaskorti og timburmönnum. Æskilegt er að halda áfengisneyslu í lágmarki meðan lyfið er tekið.
ÍþróttirBannað í og utan keppni.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.