Multaq

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Multaq

Opna mína lyfseðla
Hjartasjúkdómalyf

Lyfseðilsskylt

Verðflokkur G: Lyfið er niðurgreitt og fellur inn í greiðsluþrepakerfiðVirkt innihaldsefni: DronedaronSkráð 1. ágúst 2010

Multaq inniheldur virka efnið dronedaron og er notað til að halda hjartslætti reglulegum. Multaq er notað hjá þeim sem eru með hjartsláttartruflanir (óreglulegan hjartslátt -gáttatif) og meðferð sem kallast rafvending hefur haft þau áhrif að hjartslátturinn er aftur orðinn eðlilegur. Multaq kemur í veg fyrir að óreglulegur hjartsláttur endurtaki sig.

Tafla 400 mg Tafla

Notkun á lyfjum

LyfjaformTöflur til inntöku
Venjulegar skammtastærðirVenjulegur skammtur er ein 400 mg tafla tvisvar á sólarhring með morgunmat og kvöldmat. Gleypa á töflurnar heilar með vatni.
Hversu langur tími uns verkun kemur framGetur tekið um viku að ná jafnvægi.
VerkunartímiNokkrir dagar og tekur lyfið um 2 vikur að skiljast að fullu úr líkamanum.
Þörf á að breyta mataræði meðan lyfið er tekiðÞað á að taka lyfið inn með máltíðum, morgunmat og kvöldmat.
GeymslaGeymið lyfið við stofuhita þar sem börn hvorki ná til né sjá.
Ef skammtur gleymistTaktu lyfið um leið og þú manst eftir því. Ef stutt er til næsta skammts skaltu sleppa þeim sem gleymdist og halda áfram að taka lyfið eins og venjulega. Ekki taka tvo skammta í einu.
Hvernig á að hætta töku lyfsinsEkki hætta töku lyfsins nema í samráði við lækni.
Ef tekinn er of stór skammturEf of stór skammtur af lyfinu hefur verið tekinn, eða ef barn hefur í ógáti tekið inn lyfið skal hafa samband við lækni, sjúkrahús eða eitrunarmiðstöð (sími 543 2222).
LangtímanotkunMeðferð með Multaq fer fram í umsjá læknis sem er sérhæfður í meðferð hjartasjúkdóma. Notið lyfið alltaf eins og læknirinn hefur sagt til um. Ef ekki er ljóst hvernig nota á lyfið skal leita upplýsinga hjá lækninum eða lyfjafræðingi.

Aukaverkanir

Ekki neyta greipaldinssafa meðan á meðferð með Multac stendur. Það getur aukið þéttni dronedarons í blóði og aukið líkurnar á aukaverkunum.

Algengar aukaverkanir (>1%):
  • Hægur hjartsláttur
    Leitið til læknis
  • Kláði, útbrot
    Leitið til læknis
  • Uppköst, niðurgangur
    Leitið til læknis
  • Þreyta, magaóþægindi
    Leitið til læknis
  • Bólgur á fótum eða fótleggjum, erfiðleikar við öndun í liggjandi stöðu eða í svefni, mæði eða þyngdaraukning.
    Leitið strax til læknis
Sjaldgæfar aukaverkanir (<1%):
  • Breyting á bragðskyni
    Leitið til læknis
  • Þurr hósti
    Leitið til læknis
  • Gula, dökklitað þvag
    Leitið strax til læknis
  • Útbrot, kláði, bjúgur og öndunarerfiðleikar
    Leitið strax til læknis

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • þú sért með aðra hjartasjúkdóma
  • þú sért með langvarandi lifrar- eða nýrnasjúkdóm
  • þú sért með ofnæmi fyrir virka efninu eða einhverju hjálparefnanna
  • þú takir einhver önnur lyf
  • þú sért með hægan púls
  • grunur leiki á um þungun eða hvort þú ráðgerir að verða þunguð
  • þú sért með barn á brjósti
MeðgangaEkki er ráðlagt að taka inn lyfið á meðgöngu. Hættu að taka inn lyfið ef þú verður þunguð.
BrjóstagjöfÁður en lyfið er tekið skal hafa samband við lækni ef þú ert með barn á brjósti. Ekki er ráðlagt að taka inn lyfið meðan á brjóstagjöf stendur.
BörnLyfið er ekki ætlað börnum.
Eldra fólkGæta skal varúðar þegar lyfið er notað hjá einstaklingum 75 ára og eldri ef aðrir sjúkdómar eru til staðar.
AksturLyfið hefur almennt ekki áhrif á hæfni til aksturs en aukaverkanir lyfsins, eins og þreyta, getur skert hæfni þína til aksturs.
ÁfengiÍ litlum skömmtum hefur áfengi ekki áhrif á verkun lyfsins.
ÍþróttirLeyft við æfingar og í keppni.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.