Venclyxto

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Venclyxto

Opna mína lyfseðla
Æxlishemjandi lyf og lyf til ónæmistemprunar

Lyfseðilsskylt

Verðflokkur 0: Lyfið er ekki niðurgreitt og fellur ekki inn í greiðsluþrepakerfiðVirkt innihaldsefni: VenetoclaxSkráð 5. desember 2016

Venclyxto er krabbameinslyf sem inniheldur virka efnið venetoclax. Lyfið er notað við langvinnu eitilfrumuhvítblæði (CLL) hjá fullorðnum með eða án annarra lyfja. Einnig er venclyxto notað ásamt öðrum lyfjum sem meðferð við bráðu mergfrumuhvítblæði (AML). Venetoclax hamlar prótein í líkamanum sem heitir BCL-2, BCL-2 er til staðar í miklu magni í sumum krabbameinsfrumum og hjálpar þeim að lifa lengur. Þegar venetoclax hamlar próteininu hjálpar það til með að eyða krabbameinsfrumum og fækka þeim og hægja á framvindu sjúkdómsins.

Tafla 10 mg Filmuhúðuð tafla

Notkun á lyfjum

LyfjaformTöflur til inntöku.
Venjulegar skammtastærðirByrjað er að taka lágan skammt og hann svo hækkaður. Venjulegur skammtur er 400 mg einu sinni á dag. Töflurnar skal taka með mat á u.þ.b. sama tíma á hverjum degi. Þær skal gleypa í heilu lagi með glasi af vatni. Mikilvægt er að drekka mikið af vatni á meðan meðferð stendur til að fjarlægja niðurbrotsefni krabbameinsfrumna úr líkamanum með þvagi og koma í veg fyrir heilkenni sem nefnist æxlislýsuheilkenni (TLS).
Hversu langur tími uns verkun kemur framEinstaklingsbundið.
Þörf á að breyta mataræði meðan lyfið er tekiðEkki má neyta afurða úr greipaldinum, Seville appelsínum (bitrar appelsínur sem eru oft notaðar í marmelaði) eða stjörnuávöxtum (carambola).
GeymslaGeymið þar sem börn hvorki ná til né sjá.
Ef skammtur gleymistEf minna en 8 klst. eru liðnar síðan þú tekur venjulega skammtinn skal taka hann eins fljótt og auðið er. Ef meira en 8 klst. eru liðnar síðan þú áttir að taka skammtinn skaltu sleppa honum og taka næsta skammt á venjulegum tíma næsta dag. Það á ekki að tvöfalda skammta til að bæta upp skammt sem gleymdist.
Hvernig á að hætta töku lyfsinsÍ samráði við lækni.
Ef tekinn er of stór skammturSkal hafa strax samband við lækni, sjúkrahús eða eitrunarmiðstöð (sími 543 2222).
LangtímanotkunTímalengd meðferðar getur verið mismunandi.

Aukaverkanir

Lyfið gæti valdið ófrjósemi hjá körlum og getu til að eignast barn, ræðið við lækni um geymslu sæðis áður en meðferð með Venclyxto er hafin.

Algengar aukaverkanir (>1%):
  • Sýkingar, flensulík einkenni
    Leitið strax til læknis
  • Andnauð
    Leitið strax til læknis
  • Dökkt eða skýjað þvag
    Leitið strax til læknis
  • Hiti, hrollur
    Leitið strax til læknis
  • Krampar eða flog
    Leitið strax til læknis
  • Kviðverkir, ógleði, uppköst
    Leitið strax til læknis
  • Óreglulegur hjartsláttur
    Leitið strax til læknis
  • Óvenjuleg þreytutilfinning
    Leitið strax til læknis
  • Ruglástand
    Leitið strax til læknis
  • Vöðvaverkir, liðverkir
    Leitið strax til læknis

Milliverkanir

Sjá hér fyrir ofan hvaða breytingar á mataræði þarf að gera. Það má ekki taka jóhannesarjurt á meðan Venclyxto er notað.

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • grunur leiki á um þungun eða að þú sért með barn á brjósti
  • þú sért með lifrar- eða nýrnasjúkdóm
  • þú sért með ofnæmi fyrir virka efninu eða einhverju hjálparefnanna
  • þú takir einhver önnur lyf
  • þú hafir verið bólusettur nýlega eða þurfir á bólusetningu að halda
  • þú hafir sögu um endurteknar sýkingar
MeðgangaLyfið á ekki að nota á meðgöngu og skulu konur sem geta orðið þungaðar vera á öruggri getnaðarvörn á meðan meðferð stendur og að minnsta kosti í 30 daga daga eftir að henni lýkur.
BrjóstagjöfÞað á ekki að hafa barn á brjósti á meðan lyfið er notað.
BörnLyfið er ekki ætlað börnum eða unglingum.
AksturAukverkun lyfsins er þreyta og sundl. Hver og einn þarf því að meta getu sína til aksturs þegar reynsla er komin á noktun lyfsins.
AnnaðEinungis sérfræðilæknar í blóðsjúkdómum mega ávísa lyfið.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.