Eplerenon Krka

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Eplerenon Krka

Opna mína lyfseðla
Þvagræsilyf

Lyfseðilsskylt

Verðflokkur G: Lyfið er niðurgreitt og fellur inn í greiðsluþrepakerfiðVirkt innihaldsefni: EplerenónSkráð 1. desember 2018

Epelerenone Krka inniheldur virka efnið eplerenón, sem er þvagræsilyf með blóðþrýstingslækkandi verkun. Þvagræsilyf geta raskað hlutfalli natríum- og kalíumsalta sem skiljast út úr líkamanum með þvagi. Eplerenón er kalíumsparandi, það minnkar útskilnað kalíums og eykur útskilnað natríums. Lyfið er notað til að draga úr hættu á hjarta- og æðasjúkdómum hjá einstaklingum með einkenni um hjartabilun eftir að nýlega hafa fengið hjartaáfall eða hefur væg, viðvarandi einkenni hjartabilunar.

Tafla 25 mg Filmuhúðuð tafla

Notkun á lyfjum

LyfjaformTöflur til inntöku.
Venjulegar skammtastærðir50 mg á dag. Meðferð er hafin með 25 mg einu sinni á dag og aukin smám saman upp í 50 mg einu sinni á dag. Töflurnar gleypist með vatnsglasi.
Hversu langur tími uns verkun kemur framUm 2 klst.
Verkunartími2-3 dagar.
Þörf á að breyta mataræði meðan lyfið er tekiðForðastu mat sem inniheldur mikið kalíum, t.d. þurrkaða ávexti og svokallað heilsusalt.
GeymslaGeymist í lokuðum umbúðum við stofuhita þar sem börn hvorki ná til né sjá.
Ef skammtur gleymistTaktu lyfið um leið og þú manst eftir því. Ekki er ástæða til að hafa áhyggjur ef einn skammtur gleymist. Ef það er meira en 12 klst í næsta skammt máttu taka skammtinn sem þú gleymdir, en fyrir kvöldmat þar sem lyfið getur kallað á tíð þvaglát um nóttina. Ekki taka tvo skammta í einu.
Hvernig á að hætta töku lyfsinsEkki hætta töku lyfsins nema í samráði við lækni, annars er hætta á að sjúkdómur versni.
Ef tekinn er of stór skammturEf of stór skammtur af lyfinu hefur verið notaður, eða barn hefur í ógáti tekið inn lyfið skal hafa samband við lækni, sjúkrahús eða eitrunarmiðstöð (sími 543 2222). Stakir skammtar sem eru litlu stærri en venjulega ættu ekki að skapa vanda.
LangtímanotkunÞað þarf að mæla magn kalíums í sermi reglulega meðan á meðferðinni stendur.

Aukaverkanir

Lyfið þolist almennt vel og aukaverkanir þess eru venjulega vægar og tímabundnar.

Algengar aukaverkanir (>1%):
  • Kólesterólhækkun
    Leitið til læknis
  • Niðurgangur, ógleði
    Leitið til læknis
  • Sundl, lágur blóðþrýstingur
    Leitið til læknis
  • Hjartakvillar
    Leitið strax til læknis
Sjaldgæfar aukaverkanir (<1%):
  • Særindi í hálsi
    Leitið til læknis
  • Vökvaskortur
    Leitið til læknis
  • Verkur í fótum, nára eða fyrir brjósti
    Leitið strax til læknis
  • Útbrot, kláði, bjúgur og öndunarerfiðleikar
    Leitið strax til læknis

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • grunur leiki á um þungun eða að þú sért með barn á brjósti
  • þú sért með langvarandi lifrar- eða nýrnasjúkdóm
  • þú sért með ofnæmi fyrir virka efninu eða einhverju hjálparefnanna
  • þú sért með sykursýki
  • þú takir einhver önnur lyf
MeðgangaTakmörkuð reynsla er af notkun lyfsins hjá þunguðum konum.
BrjóstagjöfEkki er vitað hvort lyfið berst í brjóstamjólk.
BörnLyfið er ekki ætlað börnum.
Eldra fólkVenjulegar skammtastærðir.
AksturLyfið getur valdið svima. Ekki aka bíl fyrr en reynsla er komin á það hvaða áhrif lyfið hefur.
ÁfengiVeldur einnig auknum vökvaútskilnaði og því eru meiri líkur á vökvaskorti og timburmönnum. Æskilegt er að halda áfengisneyslu í lágmarki meðan lyfið er tekið.
ÍþróttirBannað í og utan keppni.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.