Midazolam Medical Valley

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Midazolam Medical Valley

Opna mína lyfseðla
Flogaveikilyf

Lyfseðilsskylt

Verðflokkur 0: Lyfið er ekki niðurgreitt og fellur ekki inn í greiðsluþrepakerfiðVirkt innihaldsefni: MídazólamSkráð 12. febrúar 2021

Midazolam Medical Valley inniheldur virka efnið mídazólam og tilheyrir flokki lyfja sem nefnast benzódíazepín. Lyf í þeim flokki hafa öll sama verkunarmáta, þau auka áhrif hamlandi boðefnis (GABA) á ákveðnar heilastöðvar. Áhrif þeirra eru því svipuð, þau eru öll róandi, kvíðastillandi, krampastillandi og vöðvaslakandi. Þau eru mismunandi hvað varðar sérhæfni og lengd verkunartíma. Midazolam Medical Valley hefur krampastillandi verkun og er notað í meðferð við bráða krampaflogum hjá börnum og unglingum. Flogaveiki getur orsakast af heilaskaða eða gengið í erfðir. Margar undirtegundir flogaveiki hafa verið skilgreindar eftir þeim einkennum sem fylgja flogunum og breytingum sem verða á heilastarfsemi á meðan þau ganga yfir. Einkenni flogaveiki stafa af óeðlilega mikilli virkni taugafrumna í heila og óvenju hárri tíðni taugaboða. Þessar breytingar geta verið bundnar við lítinn hluta heilans eða náð yfir stóran hluta hans. Í flestum tilfellum ganga flog yfir á 20 sek.-2 mín.

Notkun á lyfjum

LyfjaformMunnholslausn, áfyllt sprauta til inntöku í munnhol, milli tanngóms og kinnar, gefin hægt og rólega.
Venjulegar skammtastærðir1 sprauta við bráðu krampaflogi. 6 mánaða - 1. árs: 2,5 mg. 1-4 ára: 5 mg. 5-9 ára: 7,5 mg. 10-18 ára: 10 mg
Hversu langur tími uns verkun kemur framInnan 10 mínútna. Ef ekki skal hringja í 112 og fá læknishjálp.
VerkunartímiMisjafn eftir ástandi sjúklings.
Þörf á að breyta mataræði meðan lyfið er tekiðMá ekki neyta greipaldinsafa á meðan á meðferð með lyfinu stendur.
GeymslaGeymið inntökusprautuna í plasthlífðarhulstrinu við herbergishita þar sem börn hvorki sjá né ná til.
Ef skammtur gleymistLyfið er eingöngu notað í neyð við bráða krampaflogi og er ekki notað að staðaldri.
Hvernig á að hætta töku lyfsinsLyfið er eingöngu notað í neyð við bráða krampaflogi og er ekki notað að staðaldri.
Ef tekinn er of stór skammturEf einkenni ofskömmtunar koma fram skal hringja strax á sjúkrabíl. Einkenni ofskömmtunar eru m.a. syfja, ringlun, svefnhöfgi, samhæfingarleysi, vöðvaslappleiki, lágur blóðþrýstingur, öndunarbæling og meðvitundarleysi. Eitrunarmiðstöð sími:543 2222
LangtímanotkunLyfið er eingöngu notað í neyð við bráða krampaflogi og er ekki notað að staðaldri.

Aukaverkanir

Tíðni öndunarbælinga er allt að 5% en það er þekktur fylgikvilli krampafloga og tengist einnig notkun lyfsins.

Algengar aukaverkanir (>1%):
  • Ógleði og uppköst
    Leitið strax til læknis
  • Syfja eða meðvitundarleysi
    Leitið strax til læknis
Sjaldgæfar aukaverkanir (<1%):
  • Æsingur, ofskynjanir, árásarhneigð
    Leitið til læknis
  • Hiksti
    Leitið til læknis
  • Höfuðverkur
    Leitið til læknis
  • Krampar í barkakýli og barka
    Leitið til læknis
  • Munnþurrkur, hægðatregða
    Leitið til læknis
  • Tímabundið minnisleysi
    Leitið til læknis
  • Vöðvakippir, vöðvaskjálftar og erfiðleikar við samhæfingu vöðva
    Leitið til læknis
  • Lágur blóðþrýstingur, hægur hjartsláttur
    Leitið strax til læknis
  • Öndunarerfiðleikar
    Leitið strax til læknis
  • Sundl, þreyta
    Leitið strax til læknis
  • Útbrot, kláði og ofsakláði
    Leitið strax til læknis

Milliverkanir

Náttúrulyfið Jóhannesarjurt getur haft áhrif á verkunarlengd lyfsins. Öll lyf sem hafa sljóvgandi áhrif á miðtaugakerfið eru líkleg til að auka slævingu og öndunarbælingu og ætti því að forðast að taka þau samtímis.

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • grunur leiki á um þungun eða að þú sért með barn á brjósti
  • þú hafir einhvern tíma misnotað lyf eða áfengi
  • þú sért með hjarta-, lifrar- eða nýrnasjúkdóm
  • þú sért með vöðvaslensfár (myasthenia gravis)
  • þú takir einhver önnur lyf
  • þú eigir við öndunarerfiðleika að stríða
  • þú sért með kæfisvefn
  • þú sért með ofnæmi fyrir virka efninu, benzódíasepínum eða einhverju hjálparefnanna
  • þú sért með minnisleysi
MeðgangaTakmörkuð reynsla er af notkun lyfsins hjá þunguðum konum. Leitið ráða hjá lækni áður en lyfið er notað.
BrjóstagjöfLyfið berst í litlu magni í brjóstamjólk. Leita skal ráða hjá lækni áður en lyfið er notað.
BörnSkammtar eru háðir aldri.
Eldra fólkLyfið er ekki ætlað eldra fólki.
AksturLyfið skerðir aksturshæfni og því má ekki aka bifreið fyrr en einstaklingur hefur náð sér að fullu.
ÁfengiEkki neyta áfengis meðan á meðferð með Midazolam Medical Valley stendur.
Annað.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.