Stalevo

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Stalevo

Opna mína lyfseðla
Lyf við Parkinsonsjúkdómi

Lyfseðilsskylt

Verðflokkur G: Lyfið er niðurgreitt og fellur inn í greiðsluþrepakerfiðVirkt innihaldsefni: Entakapón, Karbídópa, LevódópaSkráð 1. mars 2004

Stalevo inniheldur þrjú virk innihalds efni, levódópa, karbídópa og entakapón og er notað við parkinsonsveiki. Parkinsonsveiki orsakast af hrörnun taugafrumna, en lík sjúkdómseinkenni geta komið fram eftir heilaskaða, truflun á blóðflæði í heila eða sem aukaverkanir lyfja. Einkennin stafa af ójafnvægi milli taugaboðefnanna asetýlkólíns og dópamíns í heila, þaðan sem samhæfingu hreyfinga er stjórnað. Magn dópamíns minnkar og vægi asetýlkólíns verður þá hlutfallslega of mikið. Í parkinsonsveiki verður þetta vegna þess að taugafrumurnar hrörna sem framleiða dópamín. Levódópa umbreytist í dópamín í líkamanum og vegur með því upp ójafnvægið sem hefur náð að myndast. Margar aukaverkanir levódópa eru tilkomnar vegna áhrifa dópamíns utan miðtaugakerfisins, til dæmis á blóðþrýsting. Levódópa er notað hér með karbídópa en það er efni sem dregur úr þessum aukaverkunum. Efni þetta hindrar að levódópa breytist í dópamín utan miðtaugakerfisins og þar af leiðandi kemst meira levódópa til heilans. Með því að nota þessa samsetningu er hægt að gefa mun minni skammt af levódópa en annars þyrfti og draga þannig úr aukaverkunum. Entakapón eykur einnig áhrif levódópa með því að hindra niðurbrot þess í líkamanum, og um leið eykst það magn levódópa sem nær til heilans. Entakapón eitt og sér hefur hins vegar engin áhrif á parkinsonsveiki.

Tafla mg Tafla

Notkun á lyfjum

LyfjaformTöflur til inntöku.
Venjulegar skammtastærðirSkammtar eru einstaklingsbundnir. Töflurnar gleypist heilar.
Hversu langur tími uns verkun kemur framInnan við 1 klst.
VerkunartímiMisjafn eftir ástandi sjúklings.
Þörf á að breyta mataræði meðan lyfið er tekiðÍ flestum tilfellum er engin þörf á að breyta mataræði. Próteinrík máltíð getur dregið úr virkni lyfsins.
GeymslaGeymist í lokuðum umbúðum við stofuhita þar sem börn hvorki ná til né sjá.
Ef skammtur gleymistEf meira en 1 klst. er til næsta skammts skaltu taka eina töflu strax og næstu töflu á venjulegum tíma. Ef innan við 1 klst. er til næsta skammts skaltu taka eina töflu strax, bíða í eina klst. og taka þá aðra töflu. Þaðan í frá skaltu halda áfram eins og venjulega. Ekki taka tvo skammta í einu.
Hvernig á að hætta töku lyfsinsEkki hætta töku lyfsins nema í samráði við lækni, annars er hætta á því að sjúkdómurinn versni. Ef töku lyfsins er hætt skyndilega getur það valdið mjög alvarlegum einkennum.
Ef tekinn er of stór skammturEf of stór skammtur af lyfinu hefur verið notaður, eða ef barn hefur í ógáti tekið inn lyfið skal hafa samband við lækni, sjúkrahús eða eitrunarmiðstöð (sími 543 2222). Hafið umbúðir lyfsins við höndina.
LangtímanotkunVerið getur að læknirinn geri reglulegar blóðrannsóknir meðan á langtímameðferð með Stalevo stendur.

Aukaverkanir

Ef vart verður við einhverjar aukaverkanir skal ræða það við lækninn. Unnt er að losna við margar af þessum aukaverkunum með því að breyta skammtastærð.

Algengar aukaverkanir (>1%):
  • Aukin svitamyndun
    Leitið til læknis
  • Breytingar á hegðun eða skapferli
    Leitið til læknis
  • Kviðverkir, hægðatregða
    Leitið til læknis
  • Munnþurrkur
    Leitið til læknis
  • Ógleði, uppköst, niðurgangur
    Leitið til læknis
  • Ósamhæfðar hreyfingar
    Leitið til læknis
  • Rauðbrúnt þvag
    Leitið til læknis
  • Þreyta, svefnleysi
    Leitið til læknis
Sjaldgæfar aukaverkanir (<1%):
  • Háþrýstingur
    Leitið til læknis
  • Útbrot
    Leitið til læknis
  • Hiti, slappleiki, lystarleysi og marblettir
    Leitið strax til læknis
  • Hjartsláttarónot
    Leitið strax til læknis
  • Svartar eða blóðugar hægðir
    Leitið strax til læknis
  • Verkur fyrir brjósti, mæði
    Leitið strax til læknis
  • Þvagtregða
    Leitið strax til læknis

Milliverkanir

Stalevo getur minnkað virkni járns. Því skal ekki taka Stalevo með járni. Eftir að annað þeirra hefur verið tekið inn skal bíða í a.m.k. 2-3 klst. áður en hitt er tekið inn. Gæta skal varúðar þegar lyf við háþrýstingi og þunglyndi eru gefin samtímis Stalevo.

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • grunur leiki á um þungun eða að þú sért með barn á brjósti
  • þú hafir átt við geðræn vandamál að stríða
  • þú sért með gláku
  • þú sért með hjarta-, lifrar- eða nýrnasjúkdóm
  • þú sért með lungnasjúkdóm
  • þú sért með ofnæmi fyrir virka efninu eða einhverju hjálparefnanna
  • þú takir einhver önnur lyf
  • þú eigir það til að falla skyndilega í svefn eða finnur fyrir miklum svefndrunga
  • þú hafir einhvern tíma fengið magasár eða krampa
MeðgangaTakmörkuð reynsla er af notkun lyfsins hjá þunguðum konum.
BrjóstagjöfLyfið berst í brjóstamjólk.
BörnLyfið er ekki ætlað börnum yngri en 18 ára.
Eldra fólkVenjulegar skammtastærðir.
AksturLyfið getur valdið svima og lágum blóðþrýstingi og því skert aksturshæfni. Ekki aka bíl fyrr en reynsla er komin á það hvaða áhrif lyfið hefur.
ÁfengiÍ litlum skömmtum hefur áfengi ekki áhrif á verkun lyfsins.
ÍþróttirLeyft við æfingar og í keppni.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.