Trilafon dekanoat

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Trilafon dekanoat

Opna mína lyfseðla
Sefandi lyf

Lyfseðilsskylt

Verðflokkur G: Lyfið er niðurgreitt og fellur inn í greiðsluþrepakerfiðVirkt innihaldsefni: Perfenazín

Trilafon dekanoat inniheldur virka efnið perfenazín. Lyfið er sefandi og það dregur mikið úr sturlunareinkennum sem fylgja geðklofa, oflæti og elliglöpum. Talið er að einkennin komi fram vegna of mikillar virkni ákveðinna taugaboðefna í heila, þaðan sem skapferli, hegðun og skynjun er stjórnað. Perfenazín dregur úr virkni sumra þessara boðefna, aðallega dópamíns og noradrenalíns. Þessi áhrif eru talin skýra verkun perfenazíns á sturlunareinkenni. Perfenazín hefur lítil róandi og svæfandi áhrif. Þar sem áhrifa perfenazíns gætir víða í heila er algengt að sjúklingar sem fái lyfið finni fyrir einhverjum aukaverkunum. Þær algengustu eru hreyfitruflanir, sem líkjast einkennum parkinsonsveiki, og ósjálfráðar hreyfingar. Aukaverkanir koma til af því að perfenazín getur raskað jafnvægi boðefna í heila, þaðan sem stjórnun hreyfinga fer fram.

Notkun á lyfjum

LyfjaformStungulyf með forðaverkun í vöðva.
Venjulegar skammtastærðir50-200 mg í senn á 1-4ra vikna fresti.
Hversu langur tími uns verkun kemur framEkki að fullu þekkt.
VerkunartímiA.m.k. 1-4 vikur.
Þörf á að breyta mataræði meðan lyfið er tekiðEngin.
GeymslaGeymist í lokuðum umbúðum við stofuhita þar sem börn hvorki ná til né sjá.
Ef skammtur gleymistTaktu lyfið um leið og þú manst eftir því. Ef stutt er til næsta skammts skaltu sleppa þeim sem gleymdist og halda áfram að taka lyfið eins og venjulega. Ekki taka tvo skammta í einu.
Hvernig á að hætta töku lyfsinsSjúkdómseinkenni geta aftur komið fram þegar töku lyfsins lýkur. Ekki hætta að taka lyfið nema í samráði við lækni.
Ef tekinn er of stór skammturStakir skammtar sem eru litlu stærri en venjulega ættu ekki að skapa vanda. Ef teknir eru stórir skammtar eða ef vart verður við óvenjuleg einkenni skal hafa samband við lækni
LangtímanotkunNotkun til lengri tíma en í nokkra mánuði getur leitt til síðkominna hreyfitruflana (tardive dyskinesia). Þær koma fram sem ósjálfráðar hreyfingar, oftast í andlitsvöðvum. Líkurnar aukast eftir því sem lyfið er notað lengur. Þessar aukaverkanir geta orðið óafturkræfar, en í flestum tilfellum ganga þær til baka á nokkrum mánuðum eftir að lyfjagjöf er hætt. Ungir sjúklingar fá síður þessar aukaverkanir og þær ganga frekar til baka hjá þeim eftir að lyfjagjöf hættir. Þyngdaraukning er sjaldgæf en kemur helst fram ef lyfið er notað lengi.

Aukaverkanir

Allt að 36% þeirra sjúklinga sem taka lyfið finna fyrir aukaverkunum þess á stjórnun hreyfinga, parkinsonslíkum einkennum og ósjálfráðum hreyfingum. Þessar aukaverkanir eru skammtaháðar og líklegri ef dagskammtur er yfir 24 mg.

Algengar aukaverkanir (>1%):
  • Aukin mjólkurmyndun
    Leitið til læknis
  • Brjóstastækkun karlmanna
    Leitið til læknis
  • Hreyfitruflanir, parkinsonseinkenni
    Leitið til læknis
  • Sljóleiki, þreyta, munnþurrkur
    Leitið til læknis
Sjaldgæfar aukaverkanir (<1%):
  • Útbrot, kláði
    Leitið til læknis
  • Hraður hjartsláttur
    Leitið strax til læknis
  • Þvagtregða
    Leitið strax til læknis

Milliverkanir

Perfenazín eykur áhrif áfengis, svefn- og verkjalyfja.

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • grunur leiki á um þungun
  • þú sért með gláku
  • þú sért með hjarta- eða æðasjúkdóm
  • þú sért með langvarandi lifrar- eða nýrnasjúkdóm
  • þú sért með ofnæmi fyrir virka efninu eða einhverju hjálparefnanna
  • þú sért með parkinsonsveiki
  • þú sért með stækkaðan blöðruhálskirtil
  • þú sért með vöðvaslensfár (myasthenia gravis)
  • þú sért með æxli í nýrnahettum
  • þú takir einhver önnur lyf
  • þú sért með skjaldkirtilssjúkdóm
  • þú sért með hvítfrumnafæð
MeðgangaNokkur hætta er á því að lyfið hafi áhrif á fóstur.
BrjóstagjöfLyfið berst í brjóstamjólk en í venjulegum skömmtum er ólíklegt að það hafi áhrif á barnið.
BörnLyfið er ekki ætlað börnum.
Eldra fólkAuknar líkur eru á aukaverkunum, minni skammtar eru oft notaðir.
AksturLyfið getur skert athygli og viðbragðsflýti og þar með aksturshæfni.
ÁfengiGetur aukið sljóvgandi áhrif lyfsins. Ekki neyta áfengis meðan lyfið er tekið.
ÍþróttirLeyft við æfingar og í keppni.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.