Mirena

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Mirena

Opna mína lyfseðla
Getnaðarvörn

Lyfseðilsskylt

Verðflokkur 0: Lyfið er ekki niðurgreitt og fellur ekki inn í greiðsluþrepakerfiðVirkt innihaldsefni: LevónorgestrelSkráð 1. apríl 1994

Mirena er getnaðarvarnarlyf og nefnist lykkjan í daglegu tali. Lyfið inniheldur eitt virkt efni (hormón), levónorgestrel. Levónorgestrel er samtengt hormón sem hefur sömu áhrif í líkamanum og kvenhormónið prógesterón. Levónorgestrel veldur breytingum á slímhúð legsins með þeim afleiðingum að frjóvguð eggfruma nær síður að hreiðra þar um sig. Leghálsslímið þykknar og sáðfrumur eiga erfitt með að komast upp leghálsinn. Mirena er einnig notað til meðferðar við mjög miklum tíðablæðingum og gegn ofvexti legslímu hjá þeim sem nota estrógen við tíðahvörf.

Tafla 20 μg

Notkun á lyfjum

LyfjaformHormónalykkja í leg.
Venjulegar skammtastærðir1 lykkja á 8 ára fresti, gefur frá sér 20 míkrógrömm á sólarhring.
Hversu langur tími uns verkun kemur fram1 sólarhringur.
VerkunartímiLeginnleggið verkar í 8 ár sem getnaðarvörn og í 5 ár gegn miklum, sjálfvöktum legblæðingum og sem vörn gegn ofvexti legslímu við samhliða estrógen uppbótarmeðferð.
Þörf á að breyta mataræði meðan lyfið er tekiðEngin.
GeymslaGeymist í lokuðum umbúðum við stofuhita þar sem börn hvorki ná til né sjá.
Ef skammtur gleymistEngin hætta er á því að skammtur gleymist vegna staðsetningar lyfsins.
Hvernig á að hætta töku lyfsinsHætta má notkun getnaðarvarnarlyfs hvenær sem hentar.
Ef tekinn er of stór skammturHverfandi hætta er á ofskömmtun. Ef vart verður við óvenjuleg einkenni skal hafa samband við lækni.
LangtímanotkunÁn vandkvæða en ráðlegt er að fara reglulega í skoðun. Ákveðið nánar í samráði við lækni.

Aukaverkanir

Aukaverkanir eru algengari fyrstu mánuðina eftir uppsetningu, en hjaðna við langtíma notkun.

Algengar aukaverkanir (>1%):
  • Breytingar á blæðingum
    Leitið til læknis
  • Ógleði, höfuðverkur
    Leitið til læknis
  • Skapbreytingar
    Leitið til læknis
  • Spenna í brjóstum
    Leitið til læknis
  • Útbrot, kláði
    Leitið til læknis
  • Útferð
    Leitið til læknis
  • Verkir í kviðarholi og baki
    Leitið til læknis
  • Þyngdarbreytingar, bjúgur
    Leitið til læknis

Milliverkanir

Jóhannesarjurt og ginseng geta haft áhrif á virkni lyfsins.

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • grunur leiki á um þungun
  • þú sért með háan blóðþrýsting, hjarta- eða æðasjúkdóm
  • þú sért með langvarandi lifrar- eða nýrnasjúkdóm
  • þú sért með mígreni
  • þú sért með ofnæmi fyrir virka efninu eða einhverju hjálparefnanna
  • þú sért með sykursýki
  • þú takir einhver önnur lyf
  • þú sért með blæðingar frá fæðingarvegi af óþekktum ástæðum
MeðgangaTakmörkuð reynsla er af notkun lyfsins hjá þunguðum konum.
BrjóstagjöfLyfið berst í brjóstamjólk en í venjulegum skömmtum er ólíklegt að það hafi áhrif á barnið.
BörnLyfið er ekki ætlað börnum.
Eldra fólkLyfið er venjulega ekki notað.
AksturLyfið hefur ekki áhrif á aksturshæfni.
ÁfengiÍ litlum skömmtum hefur áfengi ekki áhrif á verkun lyfsins.
ÍþróttirLeyft við æfingar og í keppni.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.