Levosertone

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Levosertone

Opna mína lyfseðla
Getnaðarvörn

Lyfseðilsskylt

Verðflokkur 0: Lyfið er ekki niðurgreitt og fellur ekki inn í greiðsluþrepakerfiðVirkt innihaldsefni: LevónorgestrelSkráð 26. maí 2021

Levosertone er getnaðarvarnarlyf og er einnig notað við miklum tíðablæðingum. Lyfið inniheldur eitt virkt efni (hormón), levónorgestrel. Levónorgestrel er samtengt hormón sem hefur sömu áhrif í líkamanum og kvenhormónið prógesterón. Levónorgestrel veldur breytingum á slímhúð legsins með þeim afleiðingum að frjóvguð eggfruma nær síður að hreiðra þar um sig. Leghálsslímið þykknar og sáðfrumur eiga erfitt með að komast upp leghálsinn. Levosertone hindrar einnig egglos hjá sumum konum.

Notkun á lyfjum

LyfjaformLeginnlegg til innsetningar í leg.
Venjulegar skammtastærðir1 leginnlegg á 6 ára fresti, gefur frá sér 20 míkrógrömm á sólarhring. Einungis læknir eða sérþjálfaður hjúkrunarfræðingur getur sett leginnleggið á sinn stað.
Hversu langur tími uns verkun kemur framÞú ert varin gegn þungun um leið og búið er að setja leginnleggið upp. Minnkun á tíðablæðingum kemur yfirleitt fram eftir 3-6 mánuði.
VerkunartímiUm 6 ár.
Þörf á að breyta mataræði meðan lyfið er tekiðEngin.
GeymslaGeymist í lokuðum umbúðum við stofuhita þar sem börn hvorki ná til né sjá.
Ef skammtur gleymistEngin hætta er á því að skammtur gleymist vegna staðsetningar lyfsins.
Hvernig á að hætta töku lyfsinsHætta má notkun getnaðarvarnarlyfs hvenær sem hentar, læknir fjarlægir þá lyfið.
Ef tekinn er of stór skammturHverfandi hætta er á ofskömmtun. Ef vart verður við óvenjuleg einkenni skal hafa samband við lækni.
LangtímanotkunÁn vandkvæða en æskilegt er að láta kanna staðsetningu leginnleggsins 6 vikum eftir að það er sett upp, síðan eftir 12 mánuði og eftir það árlega þar til það er fjarlægt.

Aukaverkanir

Aukaverkanir eru algengari fyrstu mánuðina eftir uppsetningu, en hjaðna við langtíma notkun. Reykingar auka hættu á slagi, hjartaáfalli og blóðtappa og því er mælt með því að hætta að reykja þegar maður er á lyfinu.

Algengar aukaverkanir (>1%):
  • Breytingar á blæðingum
    Leitið til læknis
  • Eymsli í brjóstum
    Leitið til læknis
  • Ógleði, höfuðverkur
    Leitið til læknis
  • Skapbreytingar
    Leitið til læknis
  • Útferð
    Leitið til læknis
  • Verkir í kviðarholi og baki
    Leitið til læknis
  • Þyngdarbreytingar, bjúgur
    Leitið til læknis
Sjaldgæfar aukaverkanir (<1%):
  • Slæmur verkur með eða án hita
    Leitið strax til læknis

Milliverkanir

Jóhannesarjurt og ginseng geta haft áhrif á virkni lyfsins.

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • grunur leiki á um þungun
  • þú sért með flogaveiki
  • þú sért með háan blóðþrýsting, hjarta- eða æðasjúkdóm
  • þú sért með langvarandi lifrar- eða nýrnasjúkdóm
  • þú sért með mígreni
  • þú sért með ofnæmi fyrir virka efninu eða einhverju hjálparefnanna
  • þú sért með sykursýki
  • þú takir einhver önnur lyf
  • þú hafir fengið brjóstakrabbamein eða æxli í kynfæri.
  • þú sért með sýkingu
  • þú sért með blæðingar frá fæðingarvegi af óþekktum ástæðum
MeðgangaTakmörkuð reynsla er af notkun lyfsins hjá þunguðum konum. Ef þú vilt verða þunguð eða kemst að því að þú ert þunguð þarf að biðja lækni tafarlaust um að fjarlægja lyfið.
BrjóstagjöfLyfið berst í brjóstamjólk en í venjulegum skömmtum er ólíklegt að það hafi áhrif á barnið.
BörnLyfið er ekki ætlað börnum.
Eldra fólkLyfið er venjulega ekki notað.
AksturLyfið hefur ekki áhrif á aksturshæfni.
ÁfengiÍ litlum skömmtum hefur áfengi ekki áhrif á verkun lyfsins.
ÍþróttirLeyft við æfingar og í keppni.
AnnaðBlæðingar gætu aukist á fyrstu 2-3 mánuðunum, áður en þær fara að minnka aftur. Almennt er líklegt að blæðingadögum í hverjum mánuði fækki og með tímanum gætu blæðingar alveg hætt.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.