Xylocain adrenalin

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Xylocain adrenalin

Opna mína lyfseðla
Staðdeyfilyf

Lyfseðilsskylt

Verðflokkur 0: Lyfið er ekki niðurgreitt og fellur ekki inn í greiðsluþrepakerfiðVirkt innihaldsefni: Adrenalín, Lídókaín

Lyfið er notað til staðdeyfingar og leiðsludeyfingar. Adrenalín er æðaherpandi efni og því má ekki nota lyfið þegar deyfa á fingur, tær, getnaðarlim, nefbrodd eða eyra vegna takmarkaðs blóðflæðis til þessara svæða. Lídókaín er dæmigert staðdeyfilyf sem hindrar taugaboð. Verkun fæst fljótt og stendur lengur en ella vegna æðaherpandi verkunar adrenalíns. Staðdeyfilyf verka með því að hindra myndun og flutning taugaboða um taugar og taugaenda. Almennt gildir um staðdeyfilyf að sársauki hverfur áður en tilfinning og hreyfigeta þverr, en það er háð lyfinu sem er notað og hvar það er gefið. Xylocain adrenalin án rotvarnarefnis er notað til staðdeyfingar við tanndrátt, tannviðgerðir og minni háttar aðgerðir í tannholdi.

Notkun á lyfjum

LyfjaformStungulyf.
Venjulegar skammtastærðirLæknir metur skammtastærðir út frá gerð deyfingar og líkamsástandi sjúklings.
Hversu langur tími uns verkun kemur framStaðdeyfandi verkun lídókaíns kemur fram á nokkrum mín.
VerkunartímiLídókaín sjálft er skammvirkt, adrenalín lengir verkunartíma þess nokkuð.
Þörf á að breyta mataræði meðan lyfið er tekiðEngin.
GeymslaGeymist í lokuðum umbúðum, varið ljósi og á svölum stað (8-15°C) þar sem börn hvorki ná til né sjá. Lyfið má ekki frjósa.
Ef skammtur gleymistLyfið er ekki notað að staðaldri.
Hvernig á að hætta töku lyfsinsLyfið er ekki notað að staðaldri.
Ef tekinn er of stór skammturStakir skammtar sem eru litlu stærri en venjulega ættu ekki að skapa vanda. Ef notaðir eru mjög stórir skammtar eða ef vart verður við einhver óvenjuleg einkenni skal hafa samband við lækni. Við ofskömmtun með lídókaíni sjást einkenni frá heila, hjarta og æðakerfi. Meðferð er eftir einkennum. Of stórir skammtar af adrenalíni valda blóðþrýstingsfalli, hjartslætti, hjartsláttartruflunum, skjálfta og hræðslu.
LangtímanotkunLyfið er ekki notað að staðaldri.

Aukaverkanir

Algengar aukaverkanir (>1%):
  • Breytt húðskyn
    Leitið til læknis
  • Hægur hjartsláttur, breyting á blóðþrýstingi
    Leitið til læknis
  • Ógleði, uppköst, sundl
    Leitið til læknis
Sjaldgæfar aukaverkanir (<1%):
  • Hjartsláttartruflanir, hjartastopp
    Leitið strax til læknis
  • Meðvitundarleysi og krampar
    Leitið strax til læknis
  • Útbrot, kláði, bjúgur og öndunarerfiðleikar
    Leitið strax til læknis

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • grunur leiki á um þungun
  • þú sért með hjartasjúkdóm eða háan blóðþrýsting
  • þú sért með lifrar- eða nýrnasjúkdóm
  • þú sért með ofnæmi fyrir virka efninu eða einhverju hjálparefnanna
  • þú sért með ofvirkan skjaldkirtil
  • þú takir einhver önnur lyf
MeðgangaEngin þekkt áhætta er af notkun lyfsins á meðgöngu. Ekki nota nein lyf á fyrstu 3 mánuðum meðgöngu nema í samráði við lækni.
BrjóstagjöfLyfið berst í brjóstamjólk en í venjulegum skömmtum er ólíklegt að það hafi áhrif á barnið.
BörnSkammtar eru háðir gerð deyfingar og líkamsástandi.
Eldra fólkSkammtar eru háðir gerð deyfingar og líkamsástandi.
AksturLyfið getur skert hreyfigetu og samhæfni tímabundið.
ÁfengiÍ litlum skömmtum hefur áfengi ekki áhrif á verkun lyfsins.
ÍþróttirAdrenalín sem gefið er með staðdeyfilyfjum er ekki bannað. Notkun þessa staðdeyfilyfs er leyfð við æfingar og í keppni.
AnnaðVarast ætti að gefa lyfið í æð. Ekki er ráðlegt að gefa lyfið í sýkt svæði.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.