Marcain adrenalin

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Marcain adrenalin

Opna mína lyfseðla
Staðdeyfilyf

Lyfseðilsskylt

Verðflokkur 0: Lyfið er ekki niðurgreitt og fellur ekki inn í greiðsluþrepakerfiðVirkt innihaldsefni: Adrenalín, BúpívakaínSkráð 1. desember 1982

Marcain adrenalin er ætlað til staðdeyfingar og leiðsludeyfingar, bæði á minni og stærri taugum og til utanbastsdeyfingar (epidural). Búpívakaín er með langvarandi staðdeyfiverkun og það blokkar taugaboð afturkræft með því að hafa áhrif á jónaflutning yfir taugahimnuna. Adrenalín veldur æðasamdrætti og dregur með því móti úr blóðflæði á stungustað. Helsti kostur búpívakaíns (með eða án adrenalíns) er sá hvað lengi það virkar. Við utanbastsdeyfingu er unnt að stýra vöðvalömun með því hvaða styrkleiki lyfsins er valinn. Lyfið hentar vel til samfelldrar utanbastsdeyfingar. Adrenalínið lengir verkunartímann óverulega. Staðdeyfilyf verka með því að hindra það að taugaboð myndist og flytjist um taugar og taugaenda. Almenna reglan um staðdeyfilyf er sú að sársauki hverfur áður en tilfinning og hreyfigeta þverr. Það er þó alla tíð háð lyfinu sem er notað og hvar það er gefið.

Notkun á lyfjum

LyfjaformStungulyf.
Venjulegar skammtastærðirLæknir metur skammtastærðir út frá gerð deyfingar og líkamsástandi sjúklings.
Hversu langur tími uns verkun kemur framStaðdeyfandi verkun kemur fram á nokkrum mín.
VerkunartímiMisjafnt eftir staðsetningu, 2-8 klst.
Þörf á að breyta mataræði meðan lyfið er tekiðEngin.
GeymslaGeymist í lokuðum umbúðum, varið ljósi og á svölum stað (8-15°C) þar sem börn hvorki ná til né sjá. Lyfið má ekki frjósa.
Ef skammtur gleymistLyfið er ekki notað að staðaldri.
Hvernig á að hætta töku lyfsinsLyfið er ekki notað að staðaldri.
Ef tekinn er of stór skammturSamstundis skal stöðva gjöf staðdeyfilyfsins ef einkenni bráðrar eitrunar koma fram. Helstu einkenni eru breytt húðskyn í kringum munn, dofi í tungu, vönkun, ofnæm heyrn og suð fyrir eyrum. Sjóntruflanir og vöðvaskjálfti eru alvarlegri og fyrirboði almennra krampa. Krampar koma og truflun verður á eðlilegri öndun. Áhrif á hjarta og æðar geta komið fram í alvarlegri tilvikum. Öll lyf og tæki skulu vera til staðar til að bregðast við bráðatilvikum þegar lyfið er gefið. Markmið meðferðar er að viðhalda öndun, stöðva krampa og styðja blóðrás.
LangtímanotkunLyfið er ekki notað að staðaldri.

Aukaverkanir

Algengar aukaverkanir (>1%):
  • Breytt húðskyn
    Leitið til læknis
  • Hægur hjartsláttur, breyting á blóðþrýstingi
    Leitið til læknis
  • Ógleði, uppköst, sundl
    Leitið til læknis
  • Þvagtregða
    Leitið strax til læknis
Sjaldgæfar aukaverkanir (<1%):
  • Hjartsláttartruflanir, hjartastopp
    Leitið strax til læknis
  • Meðvitundarleysi og krampar
    Leitið strax til læknis
  • Útbrot, kláði, bjúgur og öndunarerfiðleikar
    Leitið strax til læknis

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • grunur leiki á um þungun
  • þú sért með hjartasjúkdóm
  • þú sért með langvarandi lifrar- eða nýrnasjúkdóm
  • þú sért með ofnæmi fyrir virka efninu eða einhverju hjálparefnanna
  • þú sért með ofvirkan skjaldkirtil
  • þú sért með sykursýki
  • þú takir einhver önnur lyf
MeðgangaEngin þekkt áhætta er af notkun lyfsins á meðgöngu. Ekki nota nein lyf á fyrstu 3 mánuðum meðgöngu nema í samráði við lækni.
BrjóstagjöfLyfið berst í brjóstamjólk en í venjulegum skömmtum er ólíklegt að það hafi áhrif á barnið.
BörnSkammtar eru háðir gerð deyfingar og líkamsástandi.
Eldra fólkSkammtar eru háðir gerð deyfingar og líkamsástandi.
AksturEkki aka bíl fyrr en deyfingin er farin úr líkamanum nema um minniháttar deyfingu sé að ræða. Leitaðu ráða hjá lækni sem sér um deyfinguna.
ÁfengiÍ litlum skömmtum hefur áfengi ekki áhrif á verkun lyfsins.
ÍþróttirAdrenalín sem gefið er með staðdeyfilyfjum er ekki bannað. Notkun þessa staðdeyfilyfs er leyfð við æfingar og í keppni.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.