Braftovi

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Braftovi

Opna mína lyfseðla
Æxlishemjandi lyf og lyf til ónæmistemprunar

Lyfseðilsskylt

Verðflokkur 0: Lyfið er ekki niðurgreitt og fellur ekki inn í greiðsluþrepakerfiðVirkt innihaldsefni: EncorafenibSkráð 20. september 2018

Braftovi er krabbameinslyf sem er notað samhliða öðrum lyfjum í meðferð við húðkrabbameini (sortuæxli) og krabbameini í ristli sem að eru með sérstaka stökkbreytingu í geni sem kallast BRAF. Stökkbreytingar í BRAF-geninu geta framleitt prótein sem veldur því að krabbameinsæxlið stækkar. Virka efnið í lyfinu, encorafenib, virkar á þetta prótein sem BRAF-gen framleiðir.

Tafla 75 mg Hylki

Notkun á lyfjum

LyfjaformHylki til inntöku.
Venjulegar skammtastærðirSortuæxli: 6 hylki, hvert þeirra með 75 mg, einu sinni á sólarhring (450 mg á sólarhring). Ásamt öðru lyfi, binimetinibi. Krabbamein í ristli: 4 hylki, hvert þeirra með 75 mg, einu sinni á sólarhring (300 mg á sólarhring). Ásamt öðru lyfi, cetuximabi.
Þörf á að breyta mataræði meðan lyfið er tekiðEkki má drekka greipaldinsafa meðan á meðferð með Braftovi stendur.
GeymslaGeymið lyfið þar sem börn hvorki ná til né sjá.
Ef skammtur gleymistEf þú gleymir að taka skammt af Braftovi skaltu taka hann um leið og þú manst eftir því. Ef meira en 12 klst. eru liðnar síðan þú áttir að taka skammtinn sem gleymdist skaltu sleppa þeim skammti og taka þann næsta á venjulegum tíma. Síðan skaltu halda áfram að taka hylkin á sömu tímum og venjulega. Ekki á að tvöfalda skammt til að bæta upp skammt sem gleymst hefur að taka.
Hvernig á að hætta töku lyfsinsEkki má hætta að taka lyfið nema læknirinn gefi fyrirmæli um slíkt.
Ef tekinn er of stór skammturEf tekin eru fleiri hylki en mælt er fyrir um, skaltu tafarlaust hafa samband við lækninn, lyfjafræðing eða hjúkrunarfræðinginn. Aukaverkanir Braftovi eins og ógleði, uppköst, ofþornun og þokusýn geta komið fram eða versnað.
LangtímanotkunMeðferð er haldið áfram þar til sjúklingurinn hefur ekki lengur ávinning af henni eða óásættanlegar eiturverkanir koma fram.

Aukaverkanir

Eins og við á um öll lyf getur þetta lyf valdið aukaverkunum en það gerist þó ekki hjá öllum. Listinn hér er ekki tæmandi, sjá fylgiseðil fyrir allar aukaverkanir.

Algengar aukaverkanir (>1%):
  • Höfuðverkur, sundl
    Leitið til læknis
  • Kláði, útbrot
    Leitið til læknis
  • Ógleði, niðurgangur og hægðatregða
    Leitið til læknis
  • Þreyta, hiti
    Leitið til læknis

Milliverkanir

Lyfið getur milliverkað við jurtalyfið Jóhannesarjurt og má ekki taka lyfin saman.

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • þú sért með hjartasjúkdóm
  • þú sért með blæðingartilhneigingu
  • þú sért með lifrar- eða nýrnasjúkdóm
  • þú sért með ofnæmi fyrir virka efninu eða einhverju hjálparefnanna
  • þú takir einhver önnur lyf
  • þú sért með augnsjúkdóm
MeðgangaBraftovi er ekki ætlað til notkunar á meðgöngu. Það getur valdið skaða eða fæðingargöllum hjá ófædda barninu.
BrjóstagjöfNotkun Braftovi er ekki ráðlögð samhliða brjóstagjöf.
BörnEkki er mælt með notkun Braftovi hjá börnum og unglingum undir 18 ára aldri.
Eldra fólkÞarf ekki að aðlaga skammta.
AksturBraftovi getur haft áhrif á hæfni þína til aksturs eða notkunar véla. Þú skalt forðast að aka eða nota vélar ef þú finnur fyrir einhverjum sjónvandamálum eða öðrum aukaverkunum sem hafa áhrif á hæfni þína til að aka eða nota vélar.
AnnaðEinungis sérfræðilæknar í krabbameinslækningum mega ávísa lyfinu.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.