Bricanyl Turbuhaler

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Bricanyl Turbuhaler

Opna mína lyfseðla
Lyf gegn teppusjúkdómum í öndunarvegi

Lyfseðilsskylt

Verðflokkur G: Lyfið er niðurgreitt og fellur inn í greiðsluþrepakerfiðVirkt innihaldsefni: TerbútalínSkráð 1. janúar 1989

Bricanyl Turbuhaler er skjótvirkt astmalyf sem er notað við astma og lungnasjúkdómum með berkjuþrengingum. Terbútalín, virka efni lyfsins, veldur vöðvaslökun í lungnaberkjum, víkkar með því öndunarveginn og auðveldar öndun. Lyfið slær fljótt á einkenni astma en það hefur ekki áhrif á sjálfan sjúkdóminn. Áhrif terbútalíns eru því tiltölulega skammvinn. Ef lyfið er notað á undan bólgueyðandi astmalyfjum við slæmum astma komast síðarnefndu lyfin betur í lungun og hafa meiri áhrif.

Notkun á lyfjum

LyfjaformInnöndunarduft.
Venjulegar skammtastærðirFullorðnir og börn eldri en 12 ára: 0,25-0,5 mg eftir þörfum, mest 6 mg á sólarhring. Börn 3-12 ára: 0,25-0,5 mg eftir þörfum mest 4 mg á sólarhring.
Hversu langur tími uns verkun kemur framVerkun kemur fram á nokkrum mínútum.
Verkunartími4-6 klst.
Þörf á að breyta mataræði meðan lyfið er tekiðEngin.
GeymslaGeymist í lokuðum umbúðum við stofuhita þar sem börn hvorki ná til né sjá. Ef úðalyfið er geymt á köldum stað getur virkni drifefnisins minnkað.
Ef skammtur gleymistSlepptu skammtinum sem gleymdist og haltu áfram að nota lyfið eins og venjulega.
Hvernig á að hætta töku lyfsinsEkki hætta notkun lyfsins nema í samráði við lækni.
Ef tekinn er of stór skammturStakir skammtar sem eru litlu stærri en venjulega ættu ekki að skapa vanda. Ef notaðir eru stórir skammtar eða ef vart verður við einhver óvenjuleg einkenni skal hafa samband við lækni.
LangtímanotkunÆskilegt er að læknir fylgist reglulega með árangri meðferðarinnar.

Aukaverkanir

Lyfið getur valdið einkennum um ofvirkni hjá börnum.

Algengar aukaverkanir (>1%):
  • Höfuðverkur
    Leitið til læknis
  • Hraður hjartsláttur, hjartsláttarónot
    Leitið til læknis
  • Skjálfti
    Leitið til læknis
Sjaldgæfar aukaverkanir (<1%):
  • Útbrot og mikill kláði
    Leitið til læknis
  • Öndunarerfiðleikar
    Leitið strax til læknis

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • grunur leiki á um þungun
  • þú sért með hjartasjúkdóm eða háan blóðþrýsting
  • þú sért með langvarandi lifrar- eða nýrnasjúkdóm
  • þú sért með ofnæmi fyrir virka efninu eða einhverju hjálparefnanna
  • þú sért með ofvirkan skjaldkirtil
  • þú sért með sykursýki
  • þú takir einhver önnur lyf
MeðgangaEngin þekkt áhætta er af notkun lyfsins á meðgöngu. Ekki taka nein lyf á fyrstu 3 mánuðum meðgöngu nema í samráði við lækni.
BrjóstagjöfLyfið berst í brjóstamjólk en í venjulegum skömmtum er ólíklegt að það hafi áhrif á barnið.
BörnLyfið er ekki ætlað börnum yngri en 3ja ára. Þegar lyfið er gefið börnum getur þurft að meta hvaða lyfjaform á að nota.
Eldra fólkVenjulegar skammtastærðir. Þegar lyfið er gefið eldra fólki getur þurft að meta hvaða lyfjaform á að nota.
AksturLyfið hefur ekki áhrif á aksturshæfni.
ÁfengiÍ litlum skömmtum hefur áfengi ekki áhrif á verkun lyfsins.
ÍþróttirBannað í og utan keppni. Hægt er að sækja um einfaldaða undanþágu til Undanþágunefndar Lyfjaráðs ÍSÍ.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.