Drovelis

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Drovelis

Opna mína lyfseðla
Getnaðarvörn

Lyfseðilsskylt

Verðflokkur 0: Lyfið er ekki niðurgreitt og fellur ekki inn í greiðsluþrepakerfiðVirkt innihaldsefni: Dróspírenón, EstetrólSkráð 19. maí 2021

Drovelis er getnaðarvarnarlyf og inniheldur tvö virk efni (hormón), dróspírenón og estetról. Dróspírenón er samtengt hormón og hefur sömu áhrif í líkamanum og kvenhormónið prógesterón. Estetról er estrógen hormón sem að líkaminn framleiðir. Getnaðarvörn lyfsins felst fyrst og fremst í því að koma í veg fyrir egglos. Eitt Drovelis spjald inniheldur 28 töflur, 24 bleikar töflur sem innihalda lyfið og 4 hvítar lyfleysutölfur.

Tafla 3/14,2 mg Filmuhúðuð tafla

Notkun á lyfjum

LyfjaformTöflur til inntöku.
Venjulegar skammtastærðir1 tafla á dag, tekin inn á sama tíma dags. Töflurnar eru teknar í 28 daga í þeirri röð sem sýnt er á þynnunni. Það á að byrja á næstu þynnu daginn eftir að síðasta taflan er tekin. Þegar byrjað er að taka Drovelis á að taka fyrstu töfluna á fyrsta degi blæðinga.
Hversu langur tími uns verkun kemur framLyfið veitir örugga getnaðarvörn strax frá fyrsta degi ef töflurnar eru teknar samkvæmt leiðbeiningum. Ef byrjað er að taka töflurnar á 2.-5. degi blæðinga þarf að nota aðra getnaðarvörn, eins og smokk, í 7 daga.
VerkunartímiLyfið veitir örugga getnaðarvörn á meðan það er tekið samkvæmt leiðbeiningum.
Þörf á að breyta mataræði meðan lyfið er tekiðEngin.
GeymslaGeymist í lokuðum umbúðum við stofuhita þar sem börn hvorki ná til né sjá.
Ef skammtur gleymistGleymist að taka töflu og minna en 24 klst eru liðnar síðan taflan átti að vera tekin skal taka töfluna um leið og þú mannst eftir og taka næstu töflu á vanalegum tíma. Ef meira en 24 klst eru liðnar er getnaðarvörnin ekki lengur örugg, þá þarf að nota aðrar getnaðarvarnir til viðbótar við Drovelis þangað til bleiku töflurnar hafa verið teknar í 7 daga samfleytt. Ef það gleymist að taka töflur skal leita ráða hjá lyfjafræðing, hjúkrunarfræðing eða lækni. Ef það gleymist að taka hvíta lyfleysutöflu gerir það ekkert til.
Hvernig á að hætta töku lyfsinsHætta má töku getnaðarvarnarlyfja hvenær sem hentar.
Ef tekinn er of stór skammturStakir skammtar sem eru litlu stærri en venjulega ættu ekki að skapa vanda. Ef teknir eru stórir skammtar eða ef vart verður við óvenjuleg einkenni skal hafa samband við lækni.
LangtímanotkunÁn vandkvæða, en ráðlegt er að fara reglulega í eftirlit hjá lækni. Ákveðið nánar í samráði við lækni.

Aukaverkanir

Algengar aukaverkanir (>1%):
  • Bólur í húð
    Leitið til læknis
  • Breytingar á kynhvöt
    Leitið til læknis
  • Höfuðverkur
    Leitið til læknis
  • Kviðverkir, tíðaverkir
    Leitið til læknis
  • Milliblæðingar
    Leitið til læknis
Sjaldgæfar aukaverkanir (<1%):
  • Skapgerðarbreytingar, þunglyndi, svefnleysi
    Leitið til læknis
  • Segarekstilvik
    Leitið strax til læknis

Milliverkanir

Ensímörvandi lyf geta aukið úthreinsun kynhormóna og getur leitt til milliblæðinga og/eða óöruggrar getnaðarvarnar. Jóhannesarjurt og ginseng geta haft áhrif á virkni lyfsins.

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • grunur leiki á um þungun eða að þú sért með barn á brjósti
  • þú sért með háan blóðþrýsting, hjarta- eða æðasjúkdóm
  • þú sért með langvarandi lifrar- eða nýrnasjúkdóm
  • þú sért með ofnæmi fyrir virka efninu eða einhverju hjálparefnanna
  • þú sért með sykursýki
  • þú hafir fengið krampa eða sért með flogaveiki
  • þú reykir
  • þú takir einhver önnur lyf
  • þú hafir sögu um mígreni
  • þú sért með blæðingar frá fæðingarvegi af óþekktum ástæðum
  • þú sért með hjarta- eða æðasjúkdóm eða fjölskyldusögu um slíkt
MeðgangaLyfið á ekki að nota á meðgöngu.
BrjóstagjöfLyfið berst í brjóstamjólk og getur haft áhrif á barnið. Samsettar getnaðarvarnartöflur geta dregið úr magni og gæðum brjóstamjólkur.
BörnLyfið er ekki ætlað börnum.
Eldra fólkLyfið er eingöngu ætlað konum á barneignaraldri.
AksturLyfið hefur ekki áhrif á aksturshæfni.
ÁfengiÍ litlum skömmtum hefur áfengi ekki áhrif á verkun lyfsins.
ÍþróttirLeyft við æfingar og í keppni.
AnnaðReykingar auka hættuna á aukaverkunum, s.s. blóðtappa af völdum estrógena.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.