Zyban

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Zyban

Opna mína lyfseðla
Lyf gegn fíkn

Lyfseðilsskylt

Verðflokkur 0: Lyfið er ekki niðurgreitt og fellur ekki inn í greiðsluþrepakerfiðVirkt innihaldsefni: BúprópíónSkráð 1. september 2000

Zyban er hjálparlyf til að hætta reykingum, ásamt stuðningsmeðferð. Lyfið inniheldur ekki nikótín en það hefur áhrif á sömu boðefni í heila og nikótín og dregur þar af leiðandi úr fráhvarfseinkennum og löngun í að reykja. Mælt er með því að byrja lyfjameðferð áður en reykingum er hætt. Best er að drepa í síðustu sígarettunni um 8 dögum eftir að lyfjameðferðin hefst.

Tafla 150 mg Tafla

Notkun á lyfjum

LyfjaformForðatöflur til inntöku.
Venjulegar skammtastærðir150 mg á dag í 6 daga, síðan 150 mg 2svar á dag í 7-9 vikur. Þegar lyfið er tekið 2svar á dag þurfa að líða minnst 8 klst. milli skammta. Töflurnar gleypist heilar. Má hvorki mylja þær né tyggja.
Hversu langur tími uns verkun kemur framLyfið nær hámarksþéttni í blóði um 3 klst. eftir inntöku. Úr löngun í reykingar dregur smám saman á nokkrum dögum.
VerkunartímiLyfið skilst út úr líkamanum á um 10 dögum eftir að töku þess er hætt. Eftir 1 ár frá meðferð halda um 30% ennþá reykbindindi.
Þörf á að breyta mataræði meðan lyfið er tekiðEngin.
GeymslaGeymist í lokuðum umbúðum við stofuhita þar sem börn hvorki ná til né sjá.
Ef skammtur gleymistTaktu lyfið um leið og þú manst eftir því. Ef stutt er til næsta skammts skaltu sleppa þeim sem gleymdist og halda áfram að taka lyfið eins og venjulega. Ekki taka tvo skammta í einu. Mundu að það þurfa að líða minnst 8 klst. milli skammta.
Hvernig á að hætta töku lyfsinsEngin vandkvæði fylgja því að hætta meðferð. Það er þó ráðlegt að hafa samband við lækni ef þú vilt hætta fyrr en ákveðið var í upphafi meðferðarinnar.
Ef tekinn er of stór skammturStórir skammtar af lyfinu auka líkur á aukaverkunum og geta valdið krömpum. Leitaðu læknis ef þú tekur of stóran skammt.
LangtímanotkunLyfið er yfirleitt ekki notað lengur en í 9 vikur í senn. Rannsóknir á notkun í lengri tíma benda þó ekki til neinna vandkvæða.

Aukaverkanir

Aukaverkanir lyfsins eru oftast vægar og hverfa eftir nokkurra vikna meðferð. Ógleði af völdum lyfsins getur dvínað ef það er tekið með mat.

Algengar aukaverkanir (>1%):
  • Aukin svitamyndun, hiti
    Leitið til læknis
  • Höfuðverkur, svimi, svefnleysi
    Leitið til læknis
  • Munnþurrkur, hægðatregða
    Leitið til læknis
  • Ógleði, uppköst, kviðverkir, meltingartruflanir
    Leitið til læknis
  • Truflun á bragðskyni
    Leitið til læknis
  • Útbrot, kláði
    Leitið til læknis
  • Þunglyndi, kvíði, eirðarleysi, skjálfti
    Leitið til læknis
Sjaldgæfar aukaverkanir (<1%):
  • Gula
    Leitið til læknis
  • Hraður hjartsláttur, hár blóðþrýstingur
    Leitið strax til læknis
  • Hreyfitruflanir, parkinsonseinkenni
    Leitið strax til læknis
  • Krampar
    Leitið strax til læknis
  • Skapgerðarbreytingar, ofskynjanir
    Leitið strax til læknis
  • Verkur fyrir brjósti
    Leitið strax til læknis
  • Þvagtregða, aukin tíðni þvagláta
    Leitið strax til læknis
  • Útbrot, kláði, bjúgur og öndunarerfiðleikar
    Leitið strax til læknis

Milliverkanir

Þær breytingar sem verða á líkamanum við að hætta að reykja, með eða án meðferðar með Zyban, geta haft áhrif á virkni annarra lyfja. Í sumum tilvikum getur verið nauðsynlegt að breyta skömmtum. Ræddu við lækninn eða lyfjafræðing ef þú ert í vafa.

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • grunur leiki á um þungun eða að þú sért með barn á brjósti
  • þú sért með langvarandi lifrar- eða nýrnasjúkdóm
  • þú sért með ofnæmi fyrir virka efninu eða einhverju hjálparefnanna
  • þú sért með sykursýki
  • þú hafir fengið krampa eða sért með flogaveiki
MeðgangaTakmörkuð reynsla er af notkun lyfsins hjá þunguðum konum.
BrjóstagjöfLyfið berst í brjóstamjólk og getur haft áhrif á barnið.
BörnLyfið er ekki ætlað börnum yngri en 18 ára.
Eldra fólkGetur þurft minni skammta.
AksturLyfið getur valdið svima og þar með skert aksturshæfni. Ekki aka bíl fyrr en reynsla er komin á það hvaða áhrif lyfið hefur.
ÁfengiÆskilegt er að halda áfengisneyslu í lágmarki meðan lyfið er tekið. Lyfið getur aukið líkur á krömpum við áfengisfráhvarf.
ÍþróttirLeyft við æfingar og í keppni.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.