Wellbutrin Retard (Lyfjaver)

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Wellbutrin Retard (Lyfjaver)

Opna mína lyfseðla
Geðdeyfðarlyf

Lyfseðilsskylt

Verðflokkur G/0: Lyfið er niðurgreitt og fellur inn í greiðsluþrepakerfiðVirkt innihaldsefni: BúprópíónSkráð 1. október 2020

Wellbutrin Retard er ætlað til meðferðar gegn alvarlegu þunglyndi hjá fullorðnum einstaklingum. Verkunarmáti lyfsins er ekki að fullu þekktur en talið er að lyfið auki magn ákveðinna boðefna (noradrenalíns og dópamíns) í heila og minnki þ.a.l. einkenni þynglyndis. Lyfið bætir þannig skap, eykur líkamlega virkni, matarlyst og áhuga á daglegu lífi. Eins og á við um öll þunglyndislyf er ekki víst að áhrif lyfsins gegn þunglyndi komi að fullu fram fyrr en eftir nokkurra vikna meðferð. Þunglyndissjúklinga skal meðhöndla í nægilega langan tíma, a.m.k. 6 mánuði, til að tryggja að þeir séu lausir við einkennin. Forðast skal að taka lyfið inn á kvöldin þar sem lyfið getur valdið erfiðleikum við svefn og því skal ávallt taka lyfið inn á morgnana með 24 klst. millibili.

Notkun á lyfjum

LyfjaformTöflur með breyttan losunarhraða til inntöku.
Venjulegar skammtastærðir150-300 mg á dag. Töflurnar gleypist heilar. Þær má hvorki mylja né tyggja.
Hversu langur tími uns verkun kemur framUm 2 vikur.
VerkunartímiEinstaklingsbundinn eftir sjúkdómsástandi.
Þörf á að breyta mataræði meðan lyfið er tekiðEngin.
GeymslaGeymist í lokuðum umbúðum við stofuhita þar sem börn hvorki ná til né sjá.
Ef skammtur gleymistEf þú gleymir að taka skammt, skaltu bíða og taka næsta skammt á venjulegum tíma. Ekki taka tvo skammta í einu.
Hvernig á að hætta töku lyfsinsEkki hætta að taka lyfið eða minnka skammtinn án samráðs við lækni.
Ef tekinn er of stór skammturHafðu sem fyrst samband við lækninn þinn eða bráðamóttöku næsta sjúkrahúss.
LangtímanotkunMeðferðin getur tekið nokkrar vikur eða mánuði.

Aukaverkanir

Svefnleysi er mjög algeng aukaverkun sem er oft skammvinn. Draga má úr svefnleysi með því að forðast inntöku lyfsins seinni part dagsins.

Algengar aukaverkanir (>1%):
  • Æsingur, kvíði, skjálfti, sundl
    Leitið til læknis
  • Hækkaður blóðþrýstingur
    Leitið til læknis
  • Hiti, brjóstverkur, máttleysi
    Leitið til læknis
  • Höfuðverkur
    Leitið til læknis
  • Kviðverkir, hægðatregða
    Leitið til læknis
  • Lystarleysi
    Leitið til læknis
  • Munnþurrkur, meltingartruflanir, ógleði og uppköst
    Leitið til læknis
  • Svefnleysi
    Leitið til læknis
  • Truflað bragðskyn, svitamyndun
    Leitið til læknis
  • Útbrot, kláði
    Leitið til læknis
  • Sjóntruflanir, eyrnasuð
    Leitið strax til læknis
Sjaldgæfar aukaverkanir (<1%):
  • Gula
    Leitið til læknis
  • Hraður hjartsláttur, hjartsláttarónot
    Leitið til læknis
  • Krampar
    Leitið strax til læknis
  • Útbrot, kláði, bjúgur og öndunarerfiðleikar
    Leitið strax til læknis

Milliverkanir

Samhliða notkun Wellbutrin Retard og nikótínforðaplástra getur valdið hækkun á blóðþrýstingi.

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • grunur leiki á um þungun eða að þú sért með barn á brjósti
  • þú sért með eða hafir verið með átröskun (lystarstol, lotugræðgi)
  • þú sért með hjarta- eða æðasjúkdóm
  • þú sért með ofnæmi fyrir einhverjum lyfjum
  • þú sért með skerta lifrar- eða nýrnastarfsemi
  • þú sért með sykursýki
  • þú neytir áfengis í miklum mæli
  • þú takir einhver önnur lyf
  • þú sért með flogaveiki eða hafir fengið flog
  • þú hafir hlotið alvarlegan höfuðáverka eða hafir sögu um slíkan áverka
  • þú hafir nýlega hætt notkun róandi lyfja eða ætlir að hætta slíkri notkun
  • þú sért með heilaæxli eða annað æxli í miðtaugakerfinu
MeðgangaTakmörkuð reynsla er af notkun lyfsins hjá þunguðum konum.
BrjóstagjöfLyfið berst í brjóstamjólk og getur haft áhrif á barnið.
BörnLyfið er ekki ætlað börnum yngri en 18 ára.
Eldra fólkVenjulegar skammtastærðir. Einhverjir kunna af vera næmari fyrir lyfinu.
AksturLyfið getur valdið svima og þar með haft áhrif aksturshæfni. Ekki aka bíl fyrr en reynsla er komin á það hvaða áhrif lyfið hefur.
ÁfengiEkki skal neyta áfengis á meðan inntöku lyfsins stendur yfir.
ÍþróttirLeyft við æfingar og í keppni.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.