Oxis Turbuhaler

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Oxis Turbuhaler

Opna mína lyfseðla
Lyf gegn teppusjúkdómum í öndunarvegi

Lyfseðilsskylt

Verðflokkur G: Lyfið er niðurgreitt og fellur inn í greiðsluþrepakerfiðVirkt innihaldsefni: FormóterólSkráð 1. október 1997

Oxis Turbuhaler er langvirkt astmalyf. Virka efni lyfsins, formóteról, veldur vöðvaslökun í lungnaberkjum, víkkar öndunarveginn og auðveldar með því móti öndun. Vegna langrar verkunar er formóteról hentugt í stuðningsmeðferð með bólguhemjandi astmalyfjum. Berkjuvíkkandi áhrif formóteróls valda því að bólgueyðandi lyfin komast betur í lungun og hafa þar af leiðandi meiri áhrif. Oxis Turbuhaler er notað meðal annars fyrir þá sem eru með áreynsluastma og þá sem eru með mikil astmaeinkenni á nóttunni.

Notkun á lyfjum

LyfjaformInnöndunarduft.
Venjulegar skammtastærðir4,5-18 míkrógrömm í senn 1-2svar á dag.
Hversu langur tími uns verkun kemur fram1-3 mín.
VerkunartímiU.þ.b. 12 klst.
Þörf á að breyta mataræði meðan lyfið er tekiðEngin.
GeymslaGeymist í lokuðum umbúðum við stofuhita þar sem börn hvorki ná til né sjá.
Ef skammtur gleymistNotaðu lyfið um leið og þú manst eftir því. Ef stutt er til næsta skammts skaltu sleppa þeim sem gleymdist og halda áfram að nota lyfið eins og venjulega. Ekki nota tvo skammta í einu.
Hvernig á að hætta töku lyfsinsEkki hætta notkun lyfsins nema í samráði við lækni þar sem sjúkdómurinn getur versnað.
Ef tekinn er of stór skammturStakir skammtar sem eru litlu stærri en venjulega ættu ekki að skapa vanda. Ef notaðir eru stórir skammtar eða ef vart verður við einhver óvenjuleg einkenni skal hafa samband við lækni.
LangtímanotkunLæknir þarf að fylgjast með astma svo að bólgur versni ekki án þess að sjúklingur verði þess var.

Aukaverkanir

Margar aukaverkanir lyfsins eru verstar í upphafi en minnka með áframhaldandi meðferð.

Algengar aukaverkanir (>1%):
  • Hjartsláttarónot
    Leitið til læknis
  • Höfuðverkur, skjálfti
    Leitið til læknis
Sjaldgæfar aukaverkanir (<1%):
  • Hraður hjartsláttur, hjartsláttartruflanir
    Leitið strax til læknis
  • Öndunarerfiðleikar
    Leitið strax til læknis
  • Útbrot, kláði, bjúgur og öndunarerfiðleikar
    Leitið strax til læknis

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • grunur leiki á um þungun eða að þú sért með barn á brjósti
  • þú sért með hjarta- eða æðasjúkdóm
  • þú sért með langvarandi lifrar- eða nýrnasjúkdóm
  • þú sért með of háan blóðþrýsting
  • þú sért með ofnæmi fyrir virka efninu eða einhverju hjálparefnanna
  • þú sért með ofvirkan skjaldkirtil
  • þú sért með sykursýki
  • þú takir einhver önnur lyf
MeðgangaTakmörkuð reynsla er af notkun lyfsins fyrir þungaðar konur.
BrjóstagjöfEkki er vitað hvort lyfið berst í brjóstamjólk.
BörnLyfið er ekki ætlað börnum yngri en 6 ára.
Eldra fólkVenjulegar skammtastærðir.
AksturLyfið hefur ekki áhrif á aksturshæfni.
ÁfengiÍ litlum skömmtum hefur áfengi ekki áhrif á verkun lyfsins.
ÍþróttirBannað í og utan keppni. Hægt er að sækja um einfaldaða undanþágu til Undanþágunefndar Lyfjaráðs ÍSÍ.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.